Alto comisario Ramon Arnhem ta na cabes di cuerpo policial di Aruba pa algun aña caba. Minister demisionario Rocco Tjon ta indica na momento cu ta trata husticia y maneho di autoridad e ta hopi “zwart/wit” si criminalidad baha bo ta haci un bon trabou y si e no baha bo ta haciendo un mal trabou. Na momento cu mester compara cifranan di KPA y di otro diferente source , porehempel cifranan di ministerio publico ta mira un bahada significante di delitonan di impacto halto.
Na momento cu mester wak un comparacion den e region Caribense den e caso aki ”inglatera” nan ta constata cu Aruba ta e pais mas safe den nos region. Tambe na momento cu a mira un investigacion cu ATA a laga haci ta mira 28% di e turistanan ta indica cu nan ta bin Aruba paso Aruba ta un pais safe.
Por bisa cu esaki ta e resultado di e maneho y entre otro no ta trata solamente riba e maneho di ministerio pero ta trata aki tambe di e maneho di KPA cu e alto comisario ta responsabel pe. Minister Rocco Tjon ta satisfecho cu e trabounan di Ramon Arnhem y lo prolonga su contracto cu 2 aña mas. Tambe a reuni riba e parti aki cu sindicato di polis unda cu a avisa nan cu lo prolonga e contracto di Alto Comisario Ramon Arnhem , pero tambe tabatin combersacionnan cu Hulanda riba e parti aki tambe. Importante ta cu e desaroyo y e maneho sigui den e bon rumbo.
Minister demisionario di Husticia Rocco Tjon ta kere cu ta hopi importante ta pa percura pa e organisacion por cumpli cu e demanda cu ta bin riba dje. Si como organisacion bo no desaroya lo no por cumpli cu e demanda. Actualmente KPA ta den un restauracion unda cu lo cambia e structura y cambia e organisacion pa haci esaki mas atractivo pa e polisnan mas unda na lo por crece den nan carera mas largo.
Tambe den KPA lo garantisa conocemento, esaki no lo bay perdi mas. Den pasado na momento cu e polis kier crece den rango unda cu a traha 20 aña recherche pa bo crece bo mester bay trafico, awo aki kier pa por crece den recherche mes unda cu ta conduci cu no kier pa e polis perde e conocemento ey. Esaki ta pone cu e organisacion ta bira mas flexibel. Tambe lo bin cu diferente departamentonan nobo pa por cumpli cu desaroyonan nobo manera AI , Cybercrime exct ext.
Actualmente KPA ta den un desaroyo y e na momento cu mester wak e “tevreden onderzoek “ cu a keda haci door di Ramon Arnhem for di e momento cu e la bin y te cu awor aki ta mira un desaroyo hopi positivo. Mirando esaki no lo ta un decision sano pa KPA di laga Alto Comisario Ramon Arnhem bay bek memey den e restauracion di KPA , pero ta kere cu ta importante pa e por termina esaki.
