Desde cu Prome Minister Evelyn Wever Croes a tuma e cartera di infrastructura Aruba su economia a keda completamente para y stanca. Dicon e proceso aki ta asina? Ta pa motibonan di investigacion?, pa no tin personanan capacita den e departamento? Pa no tin ambtenaarnan cu por confia cu ta haci e trabounan segun ley y integridad? Kico ta conduci realmente cu Prome Minister Evelyn Wever Croes a duna 0 desaroyo comercial.
Pa aña nan largo comercio a sclama y pidi ayudo, y sin Piedad di e minister tur intento pa scapa Aruba su desaroyo a faya. Sinembargo esaki no ta un proceso solamente di minister di Infrastructura , pero tambe di e minister di economia Geoffrey Wever cu realmente no a traha pa e comercio realmente. Ambos a sinta tres aña hunto pero infrastructura y comercio ta pega.
Ta ironico awe faltado apenas 1 luna pa eleccion un parlamento kier yama prome minister Evelyn Wever Croes den parlamento pa duna cuenta. Esaki ta un wega politico di fraccion di MAS,RAIZ y Accion 21 , unda nan a keda tres aña largo ta hunga teatro , kico kier crea cu esaki ? sensacion durante e temporada di eleccion? Unda tur e parlamentario nan tabata durante 3 aña largo cu comercio tabata pidi ayudo? Ta un berguensa cu awe 5 minuut pa 12 kier hunga un wega politico cu pueblo di Aruba, si berdaderamente RAIZ,Accion 21 , y MAS ta traha pa pueblo nan no a sinta pia crusa 3 aña largo.
Awo cu politico nan ta canando buscando Voto e realidad a hit, tur esaki mientras cu e minister di economia minister Wever tabata na altura y nunca atende cu esaki den Minister Raad. Minister Geoffrey Wever un decepcion politico den e iniciativa pa un politico nobo pa Aruba.
Na mes momento prome Minister Evelyn Wever Croes berdad ta traha riba e nivel di integridad y a constata y ta indica cada bes riba ex ministernan pa corupto pero na mes momento tin un titulo record cu Minister Evelyn Wever Croes lo hiba pa historia cu a haci 0 proyecto pa Aruba den comparacion di e otro minister nan di infrastructura bon of malo a lora manga y traha y ta mira un desaroyo comercial. Sinembargo e RED Tape cu tanto a papia di dje ken y kico ta causante di dje? E Minister of e ambtenaar den e funcion?
Tin un cantidad di bestemming nan pega, peticion nan sin por wordo contesta proyecto un hold, caminda nan den hopi mal estado. Hasta por a tuma nota cu recientemente por a tuma nota cu e mes un comerciante nan ta saca placa di nan saco pa drecha caminda publico. Esaki ta corecto ?
Kico parlamento mester compronde ta cu awo ta laat e daño cu parlamento a permiti sosode bou di maneho di Minister di infrastructura Evelyn Wever Croes y Minister di Economia Geoffrey Wever. E danjo na comercio ta grandi y lo costa comercio hopi tempo pa recupera.
Den e mundo comercial tin un Speransa cu lo tin un cambio dentro di poco, cu Aruba lo tin un minister di infrastructura cu amor pa su pais pa su local nan pa dushi tera Aruba y cu lo trece un speransa Aruba den nos hoben nan cu pa por logra algo riba nan mes un pais. Nos no mester lubida nos tera mester keda di nos y no duna y of pasa teranan na stranhero y pone cu e localnan mes ta keda blokia pa ricibi pida di nan propio tera pa desaroya y bay dilanti riba nan propio pais.
