Aruba ta confrontando un eleccion politico hopi dificil cu hopi falsedad, pero cu un realidad unda tin poco sinceridad pa traha pa pueblo di Aruba. Ta bisto cu e Minister di RAIZ cu ta carga e cartera di integridad , no ta carga ni un punto di decencia di integridad.
Si mester mira e proceso nan cu a tuma luga unda cu minister Ursell Arends ta hiba e cartera di integridad y e mes un minister aki ta core burachi na stuur di auto di pueblo y ta duna mal ehempel na pueblo di Aruba, esaki ta integridad?
Na mes momento nombramento di sr Nuboer na Arubus contra di tur principio di bon gobernacion, minister Arends ta trapa riba integridad di Aruba. Minister Ursell Arens a duna un golden handshak na ex-director di Arubus, cu placa di pueblo, esta unda Aruba tin cu bay paga siendo cu ya caba Arubus ta den un situacion financiero hopi malo y den su henter gobernacion no a haci net net nada pa drecha e departamento. Aki ta caminda cu ta mira bon cla cu minister Ursell Arends no por ta un minister pasobra e no por maneha y tampoco traha segun ley y integridad pa pais Aruba.
Pa loke ta trata situacion di e taxistanan, ta un berguensa unda minister Ursell Arends ta traha contra di e taxistanan cu ta embahadornan di e pueblo unda cu ta yama nan pa tur sorto di nomber, esaki ta integridad? Esaki ta respet pa bo pueblo ? Na mes momento ta bon cla cu minister Ursell Arends no sa di ley y tampoco e huristanan cu ta rond di dje ta dun’e e miho consehonan pa por actua miho, of nan ta dun’e conseho , pero e kier hiba e boto segun su deseo, aunke e ta contra di ley.
E gruponan di taxista te ainda ta rabia cu e situacion y pio ainda trapando riba leynan di Aruba e mandatario ta duna un candidato riba su partido DUAL mas permiso di locual cu e tin caba sabiendo cu tin mas persona cu no tin permiso pero cu tin e deseo. Pero nan no por haya pasobra ta duna un di su coleganan di partido FUTURO mas permiso di locual e tin caba lagando otro ciudadanonan sin pan riba mesa, esaki ta integridad?
Pa loke ta traha Selimar un situacion di yora unda cu minister Ursell Arends ta den gobernacion pa tres aña na ningun momento no a yega parlamento ta traha riba e ley di medio ambiente y Aruba tin un situacion desastroso di sushi na Aruba.
Ki dia realmente Parlamento ta yama minister Ursell Arends pa su mal maneho y maneho desastroso pa Pais Aruba den parlamento?.