Archivo nacional ta un departamento hoi importante pa Aruba. Pa e motibo aki mes Archivo Nacional a join Biblioteca Nacional riba e bunita proyecto di digitalisacion. E reconocimento cu Aruba ahaya internationalmente di ‘Internet Archive Hero Award’ ta un reconocimento grandi pa Archivo nacional. Segun Ederic Croes Archivo Nacional esaki ta muestra cu e trabou ta wordo mira y aprecia. Aunke cu no ta haci e trabou pa keda premia , pero na momento cu ta duna balor na un trabou asina importante ta duna e satisfaccion cu ta canando den e bon caminda.
E funcion pa esunnan cu ta traha na Biblioteca Nacional y Archivo Nacional ta pa duna mas hopi informacion cu ta posibel, mas autentico, mas veridico sigur den e temponan aki cu tin aspecto di fake news y na unda cu na tanto Bibioteca Nacional y Archivo Nacional por haya e documentonan real y autentico.
Te cu algun anja atras pa por haya un informacion e persona mester sea bin Aruba pa haya e informacion , of esunnan cu ta traha mester bin despues di ora di trabou cu hopi biaha e oficina nan ya caba ta cera. Pero tambe na momento cu mester haya un momento cu por bin busca historia of cultura lo mester pasa den varios documento, pero awo cu e AI e ta reconoce loke cu ta skirbi 200 aña pasa. Door di haci cambionan y haci uzo di tecnologia nan moderno y den formanan hopi sabi cu no mester gasta hopi , pero si ta logra loke cu mester ta importante.
E premio ‘Internet Archive Hero Award’ ta un reconocemento di e trabounan cu a keda haci tanto den oranan di trabou , pero despues di oranan di trabou tambe hopi trabou ta wordo haci.
Internet Archive lo duna Biblioteca Nacional Aruba un book scanner special (scribe) pa asina nan por sigui cu e trabounan di digitalisacion di informacion na Papiamento.
“Esaki sigur ta un bon noticia, ya cu di e manera aki nos por sigui conserva y percura pa mas informacion na Papiamento por ta disponibel online pa Pueblo di Aruba y tur cu ta interesa pa sa mas di nos dushi idioma Papiamento,” tabata palabranan di Minister Maduro kende ta masha gradici na e ekipo di Coleccion Aruba y na Internet Archive pa nan esfuerso pa haci Papiamento un idioma cu ta keda conserva y accesibel pa e generacionnan cu ta sigui nos.
