Peter scholing di Biblioteca Nacional ta sumamente contento cu e inicio di sistema digital unda ta archiva documentonan cultural y historico di Aruba cu a inicia for di Biblioteca Nacional Aruba. E proyecto aki a cuminsa net algun siman prome cu pandemia pa asina cuminsa pone e archivonan di Biblioteca Nacional online.
Loke ta un realidad ta cu institutonan na Aruba tin un historia basta largo pa preserva y digitalisa nos herencia nos patrimonio , nos materialnan. Esaki ta conta pa biblioteca nacional pero tambe pa Archivo Nacional cu a cuminsa digitalisa pa basta tempo caba , pero na 2018 na momento cu Biblioteca Nacional y Archivo Nacional a haya un encuentro cu otro di un bishitante na Biblioteca Nacional na zomer 2018 cu a trece un pensamento y cambio exitoso pa Aruba.
Ta trata aki di un turista cu ta bishita Aruba tur aña y durante di su tempo liber e la dicidi di bishita Biblioteca Nacional unda cu e la haya un demostracion di e biblioteca y e la resulta di a traha na e internet archive .
Sinembargo Biblioteca Nacional ya caba tabata trahando riba e acceso pa internet unda cu mester duna acceso na mundo henter riba e documentonan y videonan historico cu tin di Aruba. Sinembargo no tabata facil mirando cu ta basta caro pa por run un website di hopi informacion y esaki no tabata posibel na e momento ey ainda.
Pesey mes a cuminsa mira kico ta loke internet archive por a nifica pa Biblioteca nacional Aruba y asina a traha un account y a cuminsa uploud y un aña despues riba 7 di maart 2019 biblioteca nacional a lanta su coleccion di biblioteca e tempo ey net prome cu pandemia.
Na momento cu pandemia a presenta na Aruba ora hopi hende ta na cas hopi hende a haci uzo di esaki unda cu nan a haya exceso na hopi informacion sea ta di buki, corant ect ect. Biblioteca nacional tabata net na tempo e momento ey pa tur hende na cas haya acceso pa informacion y a haci cu e bishitanan online riba coleccion digital a crece masha hopi mes.
Den e temporada di COVID a acerca tur e corant nan di Aruba pa asina nan por duna e acceso pa e ciudadano nan por subi online y haya informacion , por bisa cu den un aña a traha duro y tabatin acceso di 30 mil item online cu ta corant nan bieu y nobo y hopi otro documentonan y asina despues e transformacion digital a crece door cu archivo tambe a dicidi pa join Biblioteca Nacional pa asina brinda e pueblo di Aruba pero tambe personanan internacional cu ta interesa den cultura y historia di Aruba.
Despues cu a mira e interes grandi cu tin Biblioteca Nacional haya diferente partnernan manera Archivo Nacional y UNOCA cu a join y a lansa coleccion Aruba aña pasa oficialmente.
E bunita di e proyecto aki ta cu e interes di e local nan mes ta grandi, muchanan di scol tambe ta haci uzo masha hopi mes pa nan proyecto di scol. Sinembargo globalmente tambe Aruba tin hopi personanan cu ta hopi interesa di haya sa mas di cultura y historia Aruba.
Peter scholing di biblioteca nacional ta sumamente contento cu e reconocimento di Internet Archive Hero Award 2024″ E reconocimento grandi aki Aruba ta ricibi pa e esfuersonan cu e partnernan di Coleccion Aruba a bin ta haci pa digitalisa y haci e herencia cultural di Aruba digitalmente accesibel pa tur cu ta interesa pa haya sa mas di e historia y cultura di Aruba.
