Partido Patriotico di Aruba (PPA) tin diferente puntonan di enfoke pero un di nan cu ta hiba na curason di e politico ta e situacion di e pensionadonan. Ta lamenta cu 21 parlamentario den parlamento ningun di nan no ta papia riba pensionadonan, na momento cu PPA a cuminsa papia riba pensionadonan y trece posibel solucion pa e grupo aki e ora tur parlamentario a cuminsa Sali y duna atencion na e pensionadonan y realisa cu e grupo aki merece su atencion debido.
Rapport nan di CBS ta mustra cu 14 mil di e pensionadonan na Aruba di e 27 mil pensionadonan cu tin na Aruba cu ta cobra bou di 800 florin y den e grupo aki tin 1 den 4 pensionado cu ta biba den pobresa, esaki kiermen cu nan no ta come tres biaha pa dia. Den e caso aki PPA a tuma e decision cu lo atende cu e situacion aki y trece un solucion pa e grupo di pensionadonan na Aruba.
Tambe no por ta asina cu e cuido medico aki na Aruba den e epoca aki ta gaba cu tur cos ta bon na Aruba y mester warda 2 pa 3 luna pa wak un specialista. Lider di PPA Otmar Oduber ta kere cu mester bin reglanan y leynan pa AZV y percura pa AZV cumpli cu loke ta e deseo y obligacion cu e tin como organisacion cu mester cuida nos grandi nan y cuida nos poblacion pa loke ta trata salud.