James Fines, fundado di Bonaire Human Rights I lider di Pueblo Progresivo Uni, ta prepara pa asisti i presenta I hasi deklarashon durante e di 142 seshon di Tratado Internashonal di Derechonan Sivil I Politiko (ICCPR) di Nashonan Uni. E evento, ku ta reuni representantenan global pa diskuti i promové derechonan sivil I politiko, lo tuma lugar na Ginebra, Suiza, den e dianan siguiente.
James Fines a sali di New York pa Ginebra, kaminda e lo join ku otro lidernan di derecho humano pa pone luz riba desafionan ku e teritorionan kolonisá den Karibe ta enfrentá. Komo un defensor di derecho humano rekonose, Finies a dediká su bida na defendé derechonan di hende muhe, mucha, e grandinan I e pueblo nativo di Boneiru. Su presentashon lo fokus riba e importansia di preservá derechonan humano den teritorionan ku ta impakta pa legado I kontinuashon di kolonialismo.
“Partisipando den e seshon di ICCPR ta un oportunidat signifikativo pa lucha pa nos region i subrayá e desafionan ku nos ta enfrentando na e plataforma internashonal,” James Finies a deklara. “Mientras nos ta para huntu ku nashonan di ront mundo, nos ta kompremete pa sigura ku e bos di nos pueblo, spesialmente esnan di den Karibe, ta skucha I ku nan derechonan ta respeta”
E Konbenio Internashonal di Derechonan Sivil I Politiko, un tratado fundamental di Nashonan Uni, ta tene paisnan responsabel pa mantené derechonan sivil I politiko manera entre otro: Estado di Derecho o gobernashon legal, Igualdat, no diskriminashon.
Hulanda desde 10-10-10 ta den violashon grave di e prome artikulo di e tratado aki: ku tur pueblo tin e derecho di autodeterminashon, ku ta permití nan pa eligi libremente su estado politiko i aspira su desaroyo ekonomiko, sosial, i kultural. I tambe pa administrá nan mes rikesa natural i rekursonan mientras manteniendo koperashon i ley internashonal, asegurando ku nan medionan di subsistensia ta protehá. E Estadonan firmanante di e tratado aki tin e responsabilidad di promové i respeta e derechonan aki segun e Charter di Nashona Uni.
E seshon aki lo fokus riba evaluáshon di e kumplimento di paisnan miembro ku e standardnan fundamental di derechonan humano.
