Partido RED democratico a haci entrega di su lista pa eleccion 2024, lider di e partido Ricardo Croes despues cu a entrega e lista ta duna di conoce cu RED democratico den e ultimo 4 eleccionnan a participa tres biaha cu 10 candidato y ultimo eleccion cu 13 candidato y awe tin 10 candidato di RED pa por sirbi Pais Aruba. Lo hiba un tremendo campaña den nomber di partido ilustrando tur loke cu ta para pe den e campaña, den e siguiente gobernacion.
Lider di partido RED Ricardo Croes ta indica cu tur hende por a tuma nota cu tin un modus operandi di parti di movemento electoral di pueblo unda cu ta tira gobierno abou cu un excuus fofo, pero pa partido democratico interes general mester prevalece.
Interes general ta significa bienestar pa comunidad completo y no pa un grupito, un famia, un amigo. Por a ripara cu partido berde a brasa corupcion. Pais Aruba mester un cambio di berdad , mester di integridad , mester di vision y mester di oportunidad.
Nos tur sa cu costo di bida ta halto y cu partido RED democratico bo por mira un cambio. Partido RED no ta haci promesa cu bo no por cumpli. Tambe RED ta keda pinta cu no a legalisa canabis y cu RED no a cumpli , segun Lider di RED esaki no ta cuadra cu berdad debi cu esunnan cu mester a cumpli tabatin 11 asiento y RED 1 asiento, cu un asiento no por legalisa no lechi , segun lider di partido RED.
Si berdaderamente kier mira cambio y un partido cumpli mester vota partido RED democratico paso RED ta e ultimo alternativa paso ta un partido anti corupcion , no ta bou di investigacion. Alcontrario minister Rudy Lampe a keda elogia pa Raad van Advies con ta maneha finansas publico creando diferente scol y danki na su creacion minister Endy Croes por a keda minister te cu par di dia pasa.
Lider di RED kier conscientisa e pueblo di Aruba cu bo voto ta un arma poderoso y e ta den bo man y den e destino di e pais aki. Vota bon, vota sabi y vota consciente.
Partido RED lista ta consisti di 10 candidato 1.Ricardo Croes,2-Randolf Kock,3-Oriana Baez,4-Fejite Zijlstra,5-Thomas Ruiz,6-Jairzinho Tromp,7-Aaron Giel8,-Francisco Mejija,9-Victoria Perez,10-Armando ‘Rudy’ Lampe.