Lider di partido RAIZ ta sumamente contento pa tin un team solido pa forma un lista di candidato di 11 profesional pa carga partido RAIZ pa eleccion 2024 y cu ta para pa u politica nobo. Lider di Raiz Ursell Arends ta indica mas lista di partidonan tambe a logra cera nan lista y esaki ta loke cu RAIZ a logra tambe for di 2017 pa bin cu profesionalnan cu kier hiba un politica cu ta basa riba politica di respet mutuo y contenido, segun lider di partido RAIZ.
Ta spera cu pueblo sigui duna RAIZ e confiansa unda cu nan lo sigui hiba e politica nobo cu nan ta bin ta hibando den e ultimo añanan. Segun lider di RAIZ Ursell Arends e meta di RAIZ e biaha aki ta trece bek e dignidad economico pa Aruba y esaki ta rekeri un cambio di actitud for di den parlamento y den gobierno. Si kier un gobernacion drechi mester tin e hende nan na e luga corecto. Un di e temanan cu segun RAIZ nan a para pe ta oportunidad igual y lo sigui traha riba esaki tambe.
Partido RAIZ a entrega su lista di diesun candidato na Conseho Electoral p’asina por bay eleccion 2024. Riba e lista aki un candidato cu no t’ey ta Geoffrey Wever, pasobra el a scoge pa bay cu otro partido. Esey a pone cu e lider di partido a haci cambio riba e lista, unda a pone Misha Raymond a bira number dos. Sinembargo te dia di awe nan no a mustra comunidad di Aruba e carta oficial di e motibo realmente cu a bandona partidonan pero cu si ta mira futuro pa traha hunto, e pacto cu a keda traha tras di cortina ainda e pueblo no sa dicon realmente kico ta e plan cu partido RAIZ a haci cu Gerlien Croes di FUTURO. Esaki ta pone un desconfiansa total den ambos partido tanto RAIZ y FURURO den nan pensamento di politica nobo na Aruba.
E lista ta consisti di:1-Ursell Arends.,2-Raymicheline “Misha” Raymond.,3-Randall Leong.,4-Raymond Kamperveen,5-Carlos Guiamo.6-Twyma van der Biezen,7-Aron Verschuur,8-Luigi Rasmijn,9-Marisabelle Croes-Arends,10-Anouk Balentina,11Kinsasha van der Bliek.