Partido PPA a scoge pa haci entrega di e lista digital y pa e motibo aki mes a haci esaki den Fortzoutman. Tur esunnan cu ta riba lista tabata presente hunto cu nan famia y asina lider di PPA Otmar Oduber a presenta e lista oficial di partido PPA pa e eleccion cu lo tuma luga dia 6 di december proximo.
Manera Ley ta prescribi y haci posibel cu partidonan por haci entrega di e lista di partido digital. Partido Patriotico Arubano PPA ta opta pa esaki pa asina poco poco pa mustra loke cu ta e vision, programa y plan nan pa Pais Aruba. Esaki ta e forma moderno , e forma cu nos mester mira nos dilanti y manera e la keda haci den pasado,awe lo hacie un biaha mas.
Partido PPA a entrega su lista pa 12 or di merdia na Conseho electoral unda cu a manda e lista cu ta bay representa Partido Patriotico Aruba PPA unda cu exactamente 12 or di merdia ta entrega esaki unda cu ta representa e cambio di un mainta pa merdia cu ta e cambio cu Aruba ta bay conoce 6 di december ora cambia y percura pa PPA por ta un biaha mas den gobierno unda cu ta cambia e partido lante bek unifica Aruba y haci Aruba fuerte un biaha mas.
Lider di partido PPA ta duna di conoce cu entrega di lista por otro por ta diferente y cu nos por bay cu epoca y bay den e forma digital y den un forma profesional presenta un lista di un team di candidatonan serio cu ta cla pa traha pa Pais Aruba. Esaki ta e candidatonan cu t’ey pa para tras di un vision , tras di un plan pa asina por traha pa Pais Aruba pa e proximo añanan.
E candidatonan cu ta riba lista di PPA 1. Otmar Oduber,2.Eduard Pieterzs,3. Lissette Winklaar-Franken,4.Rudy Richardson,5.Rigoberto Sint Jago,6.Marc Lindero Fowler,7. Ainsley Leonard Kelly,8. Gabriela Gonzales O. Calderon,9. Ilidio Dumfries,10. Arthur Paneflek,11. Charles Bennett,12. Edgard Suñe Leon,13. Kevin Ka Ghie Yee,14. Shanwar Briezen,15. Wilson Tavarez Portez,16. Jacqueline Woodley. Esaki ta e lista cu ta bay carga e lista di PPA pa eleccion venidero.
E team cu PPA a traha a sinta hunto y papia riba visionnan cu kier mira un miho Aruba. Lider di partido PPA Otmar Oduber na momento cu tabata expresa for di su curason e motibo dicon a tuma partido PPA pa carga un partido cu den su gloria cu conoce 15 asiento di e 21 asientonan , un partido cu a goberna pa 20 aña sigui y a bay 5 termino di eleccion. PPA un partido cu tabatin tur su balor y pa e generacion nobo di PPA lo carga PPA awe y hibe bek den e victoria grandi di partido PPA cu un plan y vision pa traha pa e pueblo di Aruba.
Lider di partido PPA ta duna di conoce cu no a opta pa bay cana cu bandera of busca t shirt y a tuma e decision cu no lo bay entrega na e manera bieu di entregamento di lista, pero kier mustra di ta diferente y kier un politica diferente. Politiconan cu ta lastra otro cu ta bringa otro, por a mira 21 miembro di parlamento sin excepcion a uza e oportunidad cu nan ta wordo uza pa traha pa e pueblo pa traha riba plan y leynan , e unico cos cu por a scucha con por a baha otro , acusa otro na un forma mas cu ta posibel.
Na mes momento lider di partido PPA Otmar Oduber ta bisa publicamente cu dia 28 november proximo despues di 5 aña ta bay haya e oportunidad di demostra cu ley di berdad ta biba na Aruba y cu e inhusticia cu tabatin ta bay Sali na cla pa henter e pueblo di Aruba haya sa e berdad.
Riba lista di partido PPA tin 16 persona homber y muhe balente cu a confia , no solamente den lider di partido PPA, pero den e programa y e forma cu a bin ta haci politica desde cu a introduci e plataforma PAIS cu awe ta hunto cu partido PPA , esaki ta e unico partido y politiconan cu te na e momentonan aki a papia di plan / vision.