Partido UPP tambe ta conoce un cambio den liderazgo den e eleccion aki. Nos tur sa cu partido UPP ta un partido cu a nace den man di Ex minister y ex parlamentario Booshi Wever despues cu a Sali di partido MEP a lanta su mes un partido UPP.
Awe por mira un otro cambio den e partido unda cu pa e elaccion pa dia 6 di december awo partido UPP ta keda lidera pa Giovanni Trim, un musico conoci na Aruba.
Partido UPP lo bay eleccion cu 4 miembro cu lo trek e lista ta trata aki di Giovanni Trim; Fred de Jong, Pieter Weert y Halligan Riley.
Segun lider di partido UPP nan como politiconan nobo lo bay trece un diferencia grandi pa Aruba unda cu conscientemente a opta pa tin 4 candidato mirando cu hopi partido tin hopi cantidato , pero no ta busca calidad di candidato.
UPP ta cla pa goberna Aruba y saca Aruba for di bonboshi y pa esey a traha un programa di partido unda cu ta enfoca pa baha costo di bida, drecha situacion di pensionadonan , con por haci pa nos ciudadanonan por yega na un cas y tambe kier drecha bida di nos inmigrantenan cu ta keda maltrata asina hopi na Aruba.
