Mas o menos 140 Militar Hulandes di Bataljon 102 ‘Constructiecompagnie’ durante ultimo tres siman nan a okupá nan mes ku diferente proyekto di konstrukshon i mantenshon riba islanan ABC. Meta di e ehersisio, ku e nòmber ‘Caribbean Engineer’, tabata pa mantené e habilidatnan di (konstrukshon) na un nivel haltu. Pa esei, entre otro, nan a konstrui un toren di vigilansha na San Wilibròrdu na Kòrsou, nan a renobá na Boneiru e edifisio di un organisashon di patfinder, i nan a mehorá estado di diferente lokalidat di treinen na Aruba.
Mayoria di e trabounan di e Militarnan e aña aki a tuma lugá na Kòrsou. Den área di naturalesa Hermanus e ingenieronan a konstruí un toren di vigilansha pa Organisashon di Naturalesa Carmabi, pa medio di kua bishitantenan por tin un mihó bista riba flamingonan ku ta einan. Na Kolegio Chaya Willems hèkwèrk rondó di e skol a keda ekstensivamente renobá. Banda di esei e Militarnan a realisá na tereno di treinen na Wacao, entre otro un lokalidat di estadia, nan a drecha un kaminda i edifisionan eksistente a keda adaptá.
Na Boneiru e grupo di Militar a renobá e edifisio di e organisashon lokal di patinder. Ku e trabaou di renobashon aki tur hende por bolbe hasi uso di un edifisio sigur i funshonal. Na Aruba a traha na diferente lokalidatnan di treinen Militar. Tereno di treinnen ‘Vader Piet’ tin awor un lokalidat di deposito renobá ku un dak nobo. Na Kazèrne di Marina Savaneta e parti di ehersisio Camp Davis, a ser renobá, e instalashon di panelnan solar a ser renobá i a traha un skrin pa sombra ariba di e ‘Crossfit’.
102 Constructiecompagnie ta wak bèk atras ku satisfakshon riba ultimo simannan ku a transkurí, durante kua e Militarnan a desaroyá aun mas nan destresan tékniko, i ta kontentu ku literalmente por a hasi un kontribushon na e tres islanan.
