Cada biaha cu hende mester papia mentira of haci redo , e ta wordo influencia door di diabel, y door di
esey su contacto cu diabel ta bira constant, y asina e ta cay den gara profundo di e enemigo, pasobra e
chens di e cuminsa kere su mes ta hopi grandi, y e ta pone su salud mental na peliger, asina grave e
asunto di redo y mentira ta.
Pesey e palabra di Dios ta bisa lo siguiente den Proverbionan 6:17 cu Dios ta odia un lenga mentiroso.
Lipnan mentiroso ta un abominacion pa Señor , ma esnan cu ta trata cu fieldad ta Su delicia.(
Proverbionan 12:22).
Un hende perverso ta sembra pleito, y un hacido di redo ta separa amigonan intimo .( Proverbionan
16: 17).
Tin caminda cu ta parce bon den bista di hende,ma su fin ta e caminda di morto.(Proverbionan 16:25).
Redo y mentira no ta bini di Dios, nan ta wordo usa pa diabel, pa asina trece confusion. pleito y
division, pero nos tur sa cu nos Dios ta Dios di berdad y den dj’E no tin nada, nada di scuridad.
Nos tur sa cu redo y mentira a yega di causa guerra , bombardeo cruel. Ta ken no ta corda e asunto di
Weapons of Mass Destruccion cu te awe ningun hende no por haña den Medio Oriente.
Mescos awendia tin hende cu ta causa daño den Famia y Matrimonio, bao di hubentud y hasta den cas
di Dios, cu nan famoso inventonan influencia pa diabel.
Mentira y redo ta algo cu mester wordo rechasa totalmente for di nos bida, ta for di unda bo ta kere cu
ta sali e famoso peleanan durante di scol y despues di scol, e peleanan y tiramento y hincamento,
violencia domestico, pleito odio? Tur ta start cu redo y mentira.
Tur asunto di adulterio ta un mentira, y nos tur por realisa cuanto famia tin kibra, destrosa, muchanan
traumatisa pa motibo di e mentira di adulterio.
Un hende husto ta odia mentira,ma un hende malbado ta actua na un manera repugnante y bergonsoso.
(Proverbionan 13:5).
No ta algo di sconde pero e influencia di mentira ta grandi riba e mundo aki, y tin hopi cos cu ta
sosode y hopi cambio cu hende kier haci den nan mente y tambe fisicamente cual nos tur sa cu ta parti
di mentira di diabel. Laga nos no lubida cu mentira a cuminsa for di den paraiso.
Hesus a splica lo siguiente tocante e yuinan di diabel:
Si Dios ta boso Tata, boso lo a stima Mi, pasobra Mi a sali y bin for di Dios, pasobra Mi no a bin di Mi
mes, ma ta E a mandami.
Pakico boso no ta compronde loke Mi bisa? Ta pasobra boso no por tende Mi palabra. Boso ta di boso
tata e diabel,y boso kier haci deseonan di boso tata.
E tabata un matado for di principio, y no ta para den e berdad,pasobra no tin berdad den dje.Ki ora cu
e papia un mentira e ta papia for di su mes naturalesa.
Esun cu ta di Dios ta tende palabra di Dios,pa e motibo aki boso no ta tende nan, pasobra boso no ta di
Dios. ( Juan 8:42-44-47).
Den esaki nos tur mester laga sano huicio prevalece y huy for di mentira, sali for di e bida ey ,
arepenti, entrega completamente na Cristo Hesus y wordo libra for di e demoño di mentira.
Mas berdad un hende por papia mas bendiciona su bida ta, y su crecemento spiritual ta wordo mira.
Sinceramente, Pastor Marcel Balootje..