Diamars mainta minister Rocco Tjon a firma e documento cu ta permiti Paul Croes bay cas. Pero cas e no a bay ainda pasobra parse dokternan mester sigui atende ainda.
Dialuna EANews a publica un noticia cuestionando cu no tin motibo pa haci un diferencia entre Paul Croes y Glenbert Croes. A bis cu nan ta den mesun situashon y tog minister Rocco no kier firma e peticion pa laga Paul Croes liber pa su salud. Y awe e minister a disidi pa firma e desicion unda cu ta permiti Paul bay cas. Pero si cu e mester hasi e petision ofishal pa e haya su libertad condicional.
E minister a manda un declaracion cu ta bisa: Diamars, 15 di oktober, Minister di Husticia y Asuntonan Social sr. Rocco Tjon, a tuma e decision a base di ley, wetboek van strafrecht, pa onderbreek e straf di sr. Paul Croes. Esaki mirando cartanan di dokter cu a ricibi dialuna, 14 di october, regardando su salud.”
E mandatario a clarifica, cu esaki no ta un decision riba su peticion pa “gratie” ni tampoco riba su peticion pa por sali mas trempan a base di e asina yama ‘trein regeling’.
Esaki a wordo splica claramente na e abogado di sr. Paul Croes den e Ministeriele Beschikking. E peticion aki, incluyendo e circunstancianan nobo mester wordo entrega cerca Gobernador.
Pa aworaki, conforme ley, e decision cu a wordo tuma ta pa onderbreek e straf pa un termino maximo di tres luna. E ultimo mirando e situacion medico di sr. Paul Croes.”
Esaki ta nifica cu aunke Paul ta den hospital, e por risibi bishita di su casa Melony, su yiunan, mama y rumannan. Mucho bishita pareu e no por ricibi pa e no emociona demasiado.