Ex minister Paul Croes un politico hopi popular tempo cu a cuminsa su carera politico den AVP, hopi ta e consehonan negativo door di su propio famianan pa no a bay riba lista di AVP. Ainda hopi por corda na momento cu Rudy Croes a grita den tribuna di parlamento cu advertencia.
Sinembargo e hoben bon studia despues cu a bin for di Hulanda a kies su partido cu e la bay cu ne y e tempo ey tabata AVP y nos tur mester respeta esaki. Paul Croes tabata un di e ex ministernan hopi popular pa su look pero tambe pa su inteligencia.
Sinembargo ultimo añanan cosnan no a bay bon y caso IBIS a cambia bida di e ex politico completamente. El a haya su castigo y ta casi termina su castigo na KIA y pa hopi preso na momento cu nan ta casi termina nan castigo den KIA y nan a comporta nan mes bon y si nan haci un peticion nan por sinta e resto na nan cas hunto cu nan famia. Na varios ocasion Paul Croes atrabes di su abogado a haci peticion pero no a logra haya esaki. Dicon e trato aki?
Sinembargo si mester mira loke cu a pasa cu ex politico Glenbert Croes cu no a sinta ni un dia completo den cel di warda y a bay cas, aunke e no ta condena e ta un sospechoso cu ta bay bringa pa su inocencia ta un derecho cu e tin, pero si tur cos mester a cana bon manera mester ta y e proceso normal mester a sinta 3 dia den cel pa interogacion y asina e proceso sigui su caminda.
Sea cu bo ta AVP of MEP na final nos tur ta keda hende y nos como hende mester por keda trata otro cu trato igual y aki sigur no ta e caso. No ta conoci kico Minister Rocco Tjon su pensamento tras di e igualdad aki cu ta mustra cu no ta refleha den su maneho. E pregunta ta e ta husto?
Banda di ta politico semper nos mester keda cu nos parti humano paso nos ta un isla chikito cu mester keda biba conhunto riba e pida baranca aki sin rabia y sin odio.