Despues di e encuesta nacional di 2017-2022 den luna di maart 2024 a keda haci un otro encuesta pa colecta data riba e local su perspectativo di e industria di turismo y hotel. E encuesta aki a cuminsa na maart y a anuncia cu lo saca e resultado den e di dos kwartaal cual ta April te cu Juni , awe nos ta fin di september / october e resultado di e encuesta nacional no a Sali, segun Nigel Maduro.
Ta kere cu ta importante pa sa e resultado pa asina sa kico ta pasando cu Aruba. Actualmente local nan mes ta sinti cu e industria di hotel y turismo no ta sostenibel mas. Den e encuestanan anterior e preocupacionnan mas halto ta bin di naturalesa y tambe e crisis di cu no por haya cas of tereno. Esaki ta trata di local nan no por haya nan cas of tereno riba nan luga pero e inversionistanan di afo si por haya nan terenonan mas lihe cu a Arubianonan.
Nigel Maduro y e grupo preocupa pa naturalesa tin e deseo di haya sa e resultado di e ultimo encuesta for di ATA. Segun Nigel Maduro den e resultado di 2022 ta bisa cu basicamente e preocupacionnan di local nan pa e crecemento di turismo ta cu e costo di bida ta subi, daño na nos naturalesa y medio ambiente y e local no por paga pa cas of vivienda.
Esaki ta puntonan di preocupacion cu activistanan di naturalesa kier contesta di dje y kier pa gobierno ta mas consciente riba e parti aki pa trece solucion pa nos propio Arubianonan. Tambe ta desea pa haya sa e resultado di e ultimo encuesta cu a keda haci pa asina sa e pensamento di e pueblo di Aruba.