Aruba tin mester di profecionalnan cu amor pa Aruba y cu kier hiba Aruba padilanti. Fransis Malca ta kere cu Aruba por miho. Debi na su estudio di rechten e por a sigui tur loke ta pasando den e mundo politica. Segun Fransis Malca mirando e desaroyonan cu ta tumando luga ta kere cu Aruba por miho y cu nos por tin un Aruba fuerte pa e siguiente generacionnan.
Fransis Malca di Partido Lucha pa Reforma ta duna di conoce mirando tur e desaroyonan y ideologia nan cu ta tumando luga y e casonan di corupcion cu ta basta contra di diferente color nan politico unda cu ta premira unda cu e pais Aruba ta canando no ta mucho bon y sigur ta algo cu no kier laga atras pa e generacion nobo y su propio yiunan.
Na momento cu Lider di partido Lucha pa Reforma Ryçond Santos do Nascimento a acerca su persona a sinti cu a haya e oportunidad con por contribui pa yuda hiba Aruba padilanti. Parlamento ta un organo asina importante y un organo halto den nos constitucion loke ta un maneho di full un Pais e reglanan mester wordo respeta y ta loke cu no ta mirando ta sosode. E reglanan ta e cuadro huridico nan t’ey y mester respeta y e mester biba den e comunidad tambe , pero tin puntonan cu tin mehoracion y ta importante pa esaki keda demostra tambe unda cu nos ta biba den un Pais cu e reglanan y leynan mester keda obedece mirando cu e ley y e regla ta poni pa un motibo eynan.
Esunnan cu no ta obedece ley ta den un stap di dictadura y esaki nos no mester permiti. Na momento un mandatario no ta obedece ley ta hopi peligroso y Aruba lo ta na grens di dictadura. Fransis Malca Partido Lucha pa Reforma no ta kere cu Aruba ta den e posicion ey na e momentonan aki, pero si ta mira desaroyonan hopi di cerca. Aruba ta un dushi isla ainda den comparacion Aruba ta hopi bon. Sinembargo nos no kier ta solamente bon pero nos mester acerca mas na loke cu e ta. Politiconan cu no ta busca e cuadro legal y traha cu esaki e politico no ta traha corecto y e lo ta un berguensa pa Aruba localmente pero internacionalmente tambe y esaki lo duna hopi mal bista di Aruba.