No ta un secreto cu Aruba ta confrontando diferente situacionnan dificil, nos grandinan ta birando mas grandi, e hubentud di Aruba no ta cargando e economia manera cu a spera, y na mes momento no tin suficiente baby ta naciendo.
Den e caso aki Wit Gele Kruis Aruba di aña pasa a duna di conoce cu e cifranan di baby a baha drasticamente na 2022 a nace 915 baby, na 2023 a nace 856 baby. Den e rapport anual di Wit Gele Kruis den e departamento di baby a bay wak den censo y a bay te na 1072 pa haya cifra.
Director di Wit Gele Kruis Gino Goeloe ta duna di conoce cu si mester bay bek na 1972 cu ta 51 aña pasa tabatin 1201 baby cu ta nace. Na 1974 ta bin un dip di 962, 1975 un bahada di 968, na 1976 e la baha ta na 941, pero despues e la subi bek na 1000 pa 1200 baby te na 1987 ta mira cu tin un dip di 992 baby cu ta nace pa luna.
Despues di COVID den 2020 e baby nan a cuminsa baha na 1052- 1000, pero loke cu a spanta Wit Gele Kruis ta e suma di 2022 cu ta 915 baby y 2023 cu e la baha drasticamente na 856 baby cu ta nace.
Director di Wit Gele Kruis Gino Goeloe ta duna di conoce cu despues di 51 aña di historia di Aruba tin un bahada asina drastico den baby. Na momento cu a cosntata e parti aki a cuminsa haci un investigacion pa mira kico ta e motibonan cu menos baby ta nace. Asina a yama Corsou y coleganan na Hulanda pa asina mira nan situacion , pero pa sorpresa a confronta cu e mes un problema na Corsou y Hulanda. Sinembargo no ta trata di Hulanda so pero Europa completo tin problema cu cu baby ta nace.
Despues di e respuesta aki a sigui cu investigacion y trata di haya sa kico ta e motibo menos baby ta nace, E entrevistanan cu a haci na Aruba a constata cu parehanan hoben ta bisa cu tur cos a bira hopi caro porehempel crece, pampers, lechi, dus costo di bida a bira hopi caro y esey ta pone cu e planificacion pa forma un famia nan no ta tuma e risico pa haya baby. Corsou tambe a haci su investigacion y ta resulta cu e ta e mes un pensamento cu costo di bida a bira hopi halto. Na Hulanda tambe ta pa e mes un motibo parehanan hoben no ta opta pa haya baby.
Sinembargo esaki ta bira un problema debi cu e situacion cu baby no ta nace lo tin un refleho riba nos economia y aki ta caminda cu mester tuma e situacion aki hopi na serio y mira esaki hopi di cerca. Na momento cu menos baby nace esey kiermen e tin efecto riba nos economia, scolnan , crèche, futuro pensionadonan ext ext.
Esaki ta significa cu nos Arubianonan tambe ta “Sterfaf” y esaki ta un punto cu tin director di Wit Gele Kruis basta preocupa. Na mes momento ta kere cu ta importante pa forma un comision di departamentonan concerni manera CBS, DVG, economishe zaken, departamentonan di minister concerni pa mira kico por haci como isla na e situacion aki. Lo mester trata di motiva pa parehanan hoben por forma un pareha y haya baby.
E otro banda di medaya ta cu Aruba ta enveheciendo rapidamente. Actualmente tin 26% di nos comunidad riba 60 aña esaki ta nos grandi nan. Na 2030 e ta subi na 28 pa 29% cu ta bira 60+, aki ta mira cu Pais Aruba ta enveheciendo y menos baby ta nace y esaki sigur tin un efecto economico pa Pais Aruba. Wit Gele Kruis Aruba tin preocupacion den e parti aki y ta duna di conoce cu mester bin cu un plan nacional pa Aruba y pa esaki mester sinta na mesa y mira con por atende cu e problema aki.