Minister demisionario Ursel Arends ta un gay sin cabes den bestuurskantoor. Despues cu Minister demisionario Geoffrey Wever a entrega su carta corectamente y notifica cu e ta bandona partido RAIZ, e desesperacion a drenta curpa y ta grita prome minister Evelyn Wever Croes pa exigi pa baha Minister demisionario Geoffrey Wever y e kier su stoel di minister pa asina pasa esaki pa e mente maestro di Misha Raymond pa bin haci trabounan sushi den Bestuurskantoor mes un cos cu a ser haci den parlamento.
Sinembargo tin basta candela den gang nan di Bestuurskantoor unda cu hamber pa poder ta haci hende blind. Tambe e mes un politico aki Ursel Arends di partido RAIZ cu ta e pio coalicion cu partido MEP por a traha cu ne keto bay ta haciendo daño nan grandi den coalicion cu a duna nan un man pa ta forma parti di un gobierno. Minister Ursel Arends banda di ta haci un desaster den tur su carteranan awor kier haci un desaster den bestuurskantoor y gobierno di Aruba lubidando cu ta 2 asiento e tin.
E mandatario ta exigiendo cabes di Minister demisionario Geoffrey Wever, Minister demisionario Endy Croes y Minister demisionario Glenbert Croes. E mandatario cu su actitud arogante ta creado caos den Bestuurskantoor y kier hunga su wega politico sushi di traicion manera e la mustra di ta den e strategia cu a haci hunto cu parlamentario Misha Raymond den parlamento kibrando un acuerdo politico.
Ursel Arends kier dicta den parlamento y kier exigi su fraccion yama reunion den parlamento pa pidi cabes di Minister demisionario Geoffrey, Endy y Glenbert paso e no a haña su kier den Minister Raad. Awor ta keda na presidente di parlamento Raymond Kamperveen e popchi marioneta di RAIZ permiti pa keda maneha un biaha mas pa Minister demisionario Ursel Arends dicta den parlamento y trapa un biaha mas riba Aruba su democracia.