Minister demisionario Dangui Oduber ta minister di turismo y salud publico ta kere cu ta hopi importante pa e comunidad scucha bon y mira bon e proceso politico cu ta pasando na Aruba. No ta un secreto cu Aruba pasa momentonan di hopi dificultad unda cu tabatin momentonan cu casi no tabata mira perspectiva pa Pais Aruba. Formando parti di e gabinete tabata momentonan dificil na momento cu COVID a yega Aruba y henter e temporada cu a pasa unda cu bida di hende tabata den wega.
E temporada di COVID tabata e temporada y momentonan cu casi no kier recorda mes con e tempo ey tabata unda cu Aruba ta bay for di un turismo cu tabata caso 2 miyon turista pa aña y ta bay bek na 0. Na momento cu esaki a sosode ta momentonan hopi tristo y dificil pa Aruba pero na mes momento mester a sigui traha tin control di e departamentonan y tin control di e comunidad di Aruba pa nan keda trankil y percura pa bo pueblo ta bon. Na mes momento mester a cuminsa traha riba pensamento nan con lo hisa bek e cifra di entrada di turistanan pa Aruba for di 0 pa un exito bek.
Minister di turismo Dangui Oduber ta duna di conoce e tabata casi imposibel pa pensa caminda cu nos ta awe cu Aruba lo a yega aki nan. Cu e trabounan aki a mustra cu Gabinete Wever Croes tin hopi bon conexion, hopi curashi, determinacion pa tuma decisionnan dificil na e momentonan ey cu tabata mustra momentonan dificil cu porta hopi no tabata compronde dicon cierto decisionnan , pero awe por mira loke ta e resultado di e decisionnan cu a keda tuma cu ta positivo pa e pueblo di Aruba.
Loke cu tambe tabata momentonan dificil ta cu Gabinete Wever Croes a forma parti di dos gabinete di coalicion y no ta tur ora ta facil pa goberna den un coalicion debi cu hopi biaha ta haya situacionnan innecesario unda cu ta mira cu e partidonan mas chikito nan ta pone semper e interes di nan partido riba e interes di Pais Aruba. Sinembargo Minister demisionario Dangui Oduber ta duna di conoce como politico bo ta siña cu interes general ta bin na prome luga despues ta bin interes di partido y despues ta bin interes personal. Sinembargo den e partidonan chikito ta mira mas y mas cu e interes personal ta prevalece riba e e interes general cu no ta bon pa Pais Aruba. Tur esaki nan ta mira den politica y ta siña di nan.
Minister demisionario Dangui Oduber ta sumamente agradecido di a haya e oportunidad pa sirbi Pais Aruba durante dos periodo di gobernacion cu e talentonan cu nos creador a duna nos y ta kere cu tambe a demostra cu a cumpli tambe cu e confiansa di e pueblo votador pa haci e trabou cu a wordo pidi pa haci como minister di turismo pa cumpli pa recupera nos turismo unda cu a posiciona Aruba di ta un di e Pais nan despues di pandemia ta un die pais nan cu tin e record di turismo na e momentonan aki.
Tambe e percura pa haci loke mester a haci pa mehora e calidad di cuido caminda cu ta laga un calidad di cuido solido y cu un bon fundeshi cu inversionnan continuo den cuido. Minister demisionario Dangui Oduber ta sinti cu a cumpli cabalmente cu Pais Aruba, votadornan y e demanda cu a pone su persona eynan pa cumpli cu tin un bon maneho di Pais Aruba. Pa e motibo aki mes ta pidi Aruba un mandato completo pa caba cu trabounan cu tin y cu mester caba cu nan pa Aruba sigui mehora y florece. Ta asina bunita pa sirbi un pueblo y percura pa tuma decisionnan cu ta na bienestar di e ciudadanonan unda cu ta percura pa Pais Aruba progresa, prospera y esey ta yena su persona cu satisfaccion cu como politico por a cumpli cu e proposito di ta un gobernante. Importante ta pa pueblo di Aruba ta mas consciente cu na momento cu bo Pais ta bon bo hendenan ta bon, si kier wak hende individual pa ta bon bo pueblo no ta bon pero algun grupito lo ta bon cu lo afecta henter un Pais y direccion di un Pais. Vota consciente vota pa bo Pais.