Scenarionan teatral ta keda hunga den e temporada di eleccion aki. Ta increibel pa kere cu net Lider di MAS Marisol Tromp ta e politico di mas insincero, deshonesto cu Aruba por a conoce. Lider di MAS Marisol Tromp enbes di bay hunga rol di gaña di bay entrega keho na OM siendo cu ya caba tin keho entrega e mester pone un spiel na su cara y wak su mes y cuminsa entrega keho riba su mes di tur e mentiranan cu e la fomenta riba pueblo di Aruba y riba diferente politiconan y ciudadanonan di e pais aki.
Tambe Marisol Tromp ta lubida cu e ta e unico politico cu tabata sospechoso pa 2 aña largo pa husticia y nunca e no a bisa, nunca e no a admiti y nunca e la informa. Segun Prome minister Evelyn Wever Croes na momento cu prensa a puntre e ta duna di conoce na varios ocasion cu ta koffie e la bay bebe siendo cu e tabata sospechoso di corupcion, pero no kier a contesta cu e tabata sospechoso di corupcion pa dos aña largo y e la keda sinta den parlamento, den cas di pueblo 2 aña largo como sospechoso di corupcion mes un cos cu otro parlamentario den parlamento..
Sinembargo ta mira e realidad di Lider di MAS Marisol Tromp net e cu a keda sospechoso di corupcion pa dos aña largo y awor kier bin pretende cu e no a kibra ni un copi siendo cu e la kibra full e set. Manera e show cu Lider di MAS Marisol a duna dilanti di OM cu bulto di documento ta e modus operandi di su persona di mustra documento pero si e documento ta real ta otro cos. Ta importante cu OM por tuma tur e kehonan cu parlamentario Benny Sevinger a entrega contra di Marisol Tromp y cuminsa cu un investigacion forensico den e parti aki.