Pa loke ta trata caso di SSA Prome Minister EVelyn Wever Croes ta indica na momento cu e tabata den exterior pa trabou e la haya un notificacion for di minister Endy Croes cu a duna di conoce di un investigacion cu e mester a haci pa iregularidad nan cu a keda constata y cu Minister Endy Croes a cuminsa cu e investigacion mesora unda cu e investigacion a finalisa den un rapport y abase di loke cu a Sali den e rapport a keda entrega keho den e caso di malversacion.
Prome minister ta indica cu ta trata un persona cu ta traha den area di deporte cu a pone confiansa den dje y debi na su estudio financiero cu e tin for di universidad y e preparacion cu e tin riba e area di deporte a pensa cu lo e ta e miho persona pa e funcion cu por a confia cu ne.
Segun prome minister Evelyn Wever Croes e persona ta toca su persona den parti di famia, pero su mes no tin nada di haber. Na momento cu e persona a keda tuma den servicio no ta algo cu ta wordo consulta cu prome minister pa duna trabou paso cartera di deporte no ta cay bou di prome minister Evelyn Wever Croes , pero e ta responsabilidad di minister di Deporte y cada minister ta responsabel pa nan cartera.
Den e resultado di e investigacion a resulta cu a sali na cla cu tin cosnan straño a pasa y cu no ta bon y mesora a tuma un decision riba e parti aki. Prome minister ta duna di conoce cu e ta admira Minister Endy Croes cu a tuma e pasonan mesora na e momento ey unda cu a haci un investigacion y na momento cu e rapport a keda cla a entrega un keho.
E situacion cu a pasa ta di lamenta, pero e accion cu a tuma luga dibiaha ta di respeta y na unda cu ta mustra cu integridad ta na prome luga ken sea cu e persona ta. Na momento cu ta un mandatario ta traha pa Pais Aruba y ora cu tin situacionnan cu no ta bon ta pasa ta tuma accion mesora y no ta brasa loke ta pasando y apoya loke ta pasando.
Si mester kita e pechi di prome minister y pone como lider di partido MEP, integridad ta e cos di mas importante y na unda cu tin kiebro di integridad tin consecuencia y esaki ta loke cu a demostra den e 7 añanan cu ta di gobernacion, ni con cerca e persona ta , lo tin consecuencia si e haci algo cu no ta bon. No ta paso un hende ta cerca di bo e ora integridad no ta conta pe, integridad ta conta pa tur hende mes un cos, si ta un hende cerca of no bo tin cu carga e responsabilidad y den e caso aki tambe lo ta bay ta e caso.
Gobienro di MEP y tampoco partido MEP no ta brasa corupcion con serca e persona por ta , nos mester por duna e ehempel cu cada ken mester ta consciente na momento cu nan haci algo malo cu ta contra di ley e tin su consecuencia. MEP no ta worng and strong.
