Proceso di votacion ta uno democratico y ta bunita pa mira con e ciudadano nan mes ta haci e proceso aki

1. Glenn Thode actualmente na Hulanda ta Associate professor na Universidad di Gronningen y ta traha den departamento di Criminal law como  Criminology , Strafrechten en Criminaliteit cu ta derecho rond di derecho criminal of penal y tambe Criminologia. Pero pa hopi aña tabata encabesa conseho electoral na Aruba. Como academico y pa duna conseho ta mirando e situacionnan politico cu Aruba ta pasando aden. Importante den henter e proceso aki ta pa uni y percura pa e proceso electoral cana segun proceso y e normanan cu tin.
2. Glenn Thode tin tur confiansa cu e conseho electoral actual y cu ta presidente y vice presidente hunto cu e otro miembronan na e momentonan aki, si nan haya e sosten pa keda enfoca con cosnan mester cana Aruba un biaha mas lo por celebra e dia di eleccion manera un comunidad democratico mester celebra nan democracia unda cu mas hopi hende posibel ta bay vota ta importante pa esaki.

Segun dr. Glenn Thode na Aruba tin un sistema masha bunita cu e conseho electoral poir atende cu e proceso. Tur e stembureau nan cada un di nan ta riba nan mes unda cu ta e ciudadano di Aruba ta bay haci e trabou di sirbi e proceso di e dia ey unda cu nan lo sirbi Aruba boluntariamente unda cu nan ta sinta hopi ora pa cada hende haya e oportunidad di vota y cu kier bay vota. Tur e trabounan ta wordo haci pa e ta un voto secreto di e ciudadano.

Despues cu e proceso di votacion tuma luga urnanan ta cera y ta bay den proceso di contamento unda cu e ta tuma hopi tempo y aki ta e caminda cu e personanan cu ta haci e trabou aki boluntariamente pa Aruba ta hinca hopi ora y amor pa esaki.

1. Glenn Thode ta kere cu ta importante pa e pueblo di Aruba mira e parti aki , e amor pa democracia unda cu varios persona riba e dia di votacion tey presente y ta haci un esfuerso pa Aruba por celebra e democracia hunto y para tras di conseho electoral cu esey.

Na momento cu tur e votonan ta wordo conta e ta bay ta un expresion di e deseo di e comunidad pa haya e resultado di kende ta e 21 miembronan di parlamento cu ta bay representa pueblo di Aruba y despues di esey nan ta esun cu ta bay dicidi kende nan ta bay ta e gobernantenan pa futuro.

Segun dr. Glenn Thode Aruba tin un bunita sistema un bon conseho electoral y tin tremendo personanan cu ta sostene e sistema y traha pe. Na mes momento ta hopi importante cu e democracia aki Aruba mester por celebra esaki. Ta di lamenta si tin personanan cu lo kier trece duda den e sistema. E parti aki mester evita y keda enfoca riba personanan cu boluntariamente ta traha pa tin un bon proceso riba e dia di votacion.

E sistema di vota na Aruba ta mes un cos cu esun di Hulanda, na momento cu un persona keda sin vota lo haya menos voto pa tur e asientonan cu lo mester keda reparti cu menos voto y si mester mira esaki di cerca, esaki kiermen cu menos voto un persona ta haya un asiento. Esaki ta pone cu e principio e momento cu un politico ta den staten ta significa cu staten completo ta representa e pueblo. Sinembargo si menos hende vota esey kiermen menos representacion ta pone cu ta un poco menos sigur con hopi cada asiento den parlamento ta representa un parti grandi den nos comunidad, esaki lo ta e consecuencia si menos persona bay vota.  

   Pa e motibo aki mes ta mas importante cu mas hopi posibel hende vota paso asina Aruba ta sigur cu e tin miho representacion den parlamento. dr. Glenn Thode ta spera di berdad cu tur hende na Aruba cu tin e derecho di vota haci uzo riba e derecho di vota den december venidero.