Partido MAN-PIN pa medio di frakshon di MAN den parlamento 24 di sèptèmber último a
pidi un reunion ku karakter di urgensia riba e “huisartsenpost” (HAP). Esaki mirando e
kantidat di keho ku tin di pashèntnan i nan famia i resientemente e organisashon di
dòkternan di kas, CHV riba funshonamentu di e HAP. Den apénas 9 luna ku HAP a habri su
portanan, MAN-PIN a risibí un avalancha di keho di pashèntnan malkontentu riba e trato
risibí i posibel kasonan di fayo médiko ku asta lo a kondusí na morto.
E situashon aki a trese kuné, siudadanonan ku ta ekspresá ku nan tin miedu pa akudí na
HAP despues di oranan di trabou òf den wikènt na lugá di nan dòkter di kas. Pa MAN-PIN
akseso na kuido i konfiansa ku e pashènt mester tin den e kuido aki, ta un prioridat.
Mientrastantu, ainda presidente di parlamento, kontrali na e rapides ku e la yama e reunion
pidi pa koalishon riba eksonerashon ilegal di 3,2 miar florin di plaka di impuesto, no a yama
e reunion urgente i importante aki ku frakshon di MAN a pidi for di djamars 24 sèptèmber.
Nos yamada di URGENSIA ta bai na Presidente di Parlamento sra. America-Francisca pa
konvoká e reunion di Parlamento riba e topiko di HAP. Salubridat Públiko no por ta
diskushon kada bes den komunidat i representantenan di pueblo ta sinta keda ketu i tapa
wowo pa e situashon. Mester salbaguardia pa nos kuido ta aksesibel i konfiabel.
Tin un realidat aki fó ku mester keda atendé i pa e pueblo pa un solushon, garantisá kuido
konfiabel i di nivel.
Partido MAN-PIN cu reunion di urgente riba HAP ta prioridad
