Bow guia di Glenda D. Bareño y Marcia Bareño a celebra nan historia cu a cuminsa
For di 10 September 2007 cu nan prome encuentro. Tur Dialuna nan tabata bin hunto pa haya lezing, haci obra di man, seso sport, weganan estafette, bingo, sali trip, i hasta weganan traha door di Glenda manera di ken e wowonan ta, di ken e pia ta, di ken e derriere ta? Pa mentiona un par.
Despues e la cambia pa un temporada riba diaranson pa despues bay bek dialuna. Pa awor e ta cada pasa un siman riba dialuna mas tanto te ora e grupo cera.
Si Despues di 17 aña Palmita di Oro lo stop su encuentronan na December 2024.
Palmita a conoce varios miembro na un punto riba 40. Tin a sali i tin a bay laga nos.
E grupo a haya ayudo durante añanan di famia cu ta yuda ora di fiesta i ora dirigente tawata bay afo pa sigui cu e encuentronan.
Un Danki Grandi ta bay na Georgina Thurston, Brenda Croes, Myrtha Bareño, Ghislaine Croes y Mylene Croes cu a yuda durante e añanan.
Tambe kier a gradici tur miembro cu a tuma parti di Palmita di Oro durante e añanan.
specialmente e miembronan cu a aporta extra cu dulce de leche, snacks, obranan y regalonan pa otro miembronan durante aña.
Danki tambe na tur cu a yuda persona y comerciante durante e 17 añanan aki cu donacion, lezing, etc. Nos kier a tuma nota di e 4 miembronan cu ta cu nos ainda desde 10 September 2024. Glenda D. Bareño, Marcia Bareño, Lucila Croes y Brenda Croes.
Miembro nan cu tambe ta haci 17 aña e luna aki Yola Kock y Lourdes Croes.
Na e momento nan aki e grupo ta conta cu 17 miembro y nan lo keda cu nos te dia nos cera na December e aña aki.
