Lider di Partido PPA Otmar Oduber ta kere cu ta importante pa wak ken den e proximo eleccion ken ta traha y ken ta cumpli. Tur politico ta priminti shelo y tera na e momentonan aki, hopi ta lanta partido nan y politico nan nobo awe ta bin riba mercado, pero e pregunta cu nos tur como ciudadano mester puntra anos mes si e politico nan nobo di generacion nobo a haci algo pa Pais Aruba? Nan a prepara nan mes ? nan a bay studia ? nan a traha realmente? Nan a combersa cu departamentonan ?
Lider di partido PPA Otmar Oduber ta duna di conoce cu contrario na e politico nan cu ta yama nan mes generacion nobo den politica no a haci net nada pa e pueblo. Sinembargo cu plataforma PAIS a haci bishita tur instancia na Aruba unda cu a bay na ATIA,AHATA,KVK, SVB,AZV, OPPA,APFA sindicatonan pa asina sinta y papia kico ta loke cu por haci cu e problemanan cu tin principalmente loke cu awe PPA ta para pe cu ta e pensionadonan, unda cu mester duna nan loke nan merece.
Ora partido PPA papia cu ta bay duna e pensionadonan bek no ta papia di ta solamente un promesa di aumenta 50% na pension, pero hopi mas leu cu esey, pa esey mes a haci e trabou di sinta cu e organisacionnan pa sa kico ta nan dolor y conhuntamente kico por haci pa duna nan un miho calidad di bida.
Un politico cu ta cumpli cu su pueblo ta na momento cu e ta bisa algo y e ta cumpli cu esaki. Esaki a keda demostra den pasado caba unda cu tempo ey a bisa cu lo independisa ATA Sui generis a percura despues di 20 aña ningun minister no a logra pero Otmar Oduber si a logra, despues di a yame e banco di Aruba ATA Sui generis ta esun cu a carga e economia di Aruba y cu despues di COVID tabata e departamento cu e carga e economia di Aruba y cu Aruba por a recupera paso Aruba tabatin un ATA Sui generis cu ta drey manera mester ta. Esaki ta mustra di cumplimento cu e pueblo y cu Otmar Oduber a cumpli cu e pueblo di Aruba. Awe como lider di partido PPA kier sigui cumpli cu Aruba y hiba Aruba padilanti.
Tambe Otmar Oduber como politico di e tempo aya a cumpli cu linea park, cumpli cu leynan laboral cu a cambia den pasado, pero mas cu tur cos e vision y loke cu a logra cu e Hotel na San Nicolas ta e miho decision cu por a tuma y ta bay bek unda cu mi ta pertenece como politico unda cu su omo cu a dune e bendicion pa por a drenta politica cu desde e tempo aya caba su omo su deseo tabata pa drenta PPA, pero no e partido cu a join e tempo aya, pero awe por wak cu destino ta un cos cu e por dura un poco, pero ora e yega e ta bin pa trece cambio grandi.
Awe como Lider di Partido PPA , Otmar Oduber ta indica cu lo e traha cu pasion y amor pa Aruba. E combersacionnan entre su persona y PPA a bay den bon ambiente e la dura un poco pa asina conoce otro y crea confiansa y pa compronde kico ta loke cu kier haci cu e partido y kico ta e metanan. Partido PPA tin un historia asina rico di loke ta bira e fundeshi di e proximo eleccion cu ta e union y e sentido di orguyo di traha hunto pa logra cosnan bon pa Pais Aruba. Lider di PPA Otmar Oduber ta kere cu e sistema di lastra otro, uza otro , bagatelisa otro na e manera cu e ta tumando luga na e momentonan aki Aruba no por sigui asina y como Lider di Partido PPA lo traha pa trece un aire fresco y nobo y dinamico di politica pa Aruba su futuro.