Lider di partido PPA ta vocifera cu e partido cu e ta bay lidera su punto di lansamento ta pa e pensionadonan. Na Aruba tin un total di 29 mil pensionado cual cu 14 mil di nan ta biba cu menos di 800 florin pa luna y un di e cada 14 mil nan aki ta biba den pobresa y nan no tin acceso medico mane cu nan ta desea, nan no tin acceso na e medicina cu nan tin mester y cu nan tabatin anteriormente. Nos pensionadonan ta wordo cobra belasting y na momento cu nan purba haci algo adicional pa nan tin un miho biba nan ta wordo cobra belasting riba e belasting cu ya caba nan a paga.
Lider di PPA Otmar Oduber ta duna di conoce cu PPA ta para pa e pensionadonan awe y ta bay traha pa nan unda cu ta bay reduci gasto di gobierno. Ta papia aki di 12% di e gastonan di gobierno mester wordo baha den e prome aña di gobernacion di e proximo gobierno cu lo sinta. Esaki ta significa 140 miyon cu por ta no ta logra den prome aña, pero e desicionnan mester keda tuma den e transcurso di4 añanan unda cu ta reduci 140 miyon y e placa ey ta bay pa nos grandinan.
Segun Lider di PPA e placa mester bay pa e pensionadonan pa asina baha nan AZV y AOV cu nan ta pagando na e momentonan aki , na mes momento nos mester duna AZV e placa pa nan busca remedi cu a ser kita di nos pensionadonan y pa por duna un entrada digno no di 30 florin of 40 florin cu ta un insulto na nos pensionadonan pero duna nan un entrada digno pa nan tin un biba cu ta corecto aki na Aruba.