Maneho di Adulto mayor ta cay bou di Minister demisionario Ursel Arends, manera nos tur sa Minister demisionario Ursel Arends no a traha y hasi absolutamente nada den su maneho nan, Maneho di Adulto Mayor tambe ta un di e carteranan cu a keda lubida y hopi situacion y cosnan fuera di luga ta y a pasa bou di e maneho aki di Minister demisionario Ursel Arends.
Awendia e unico instituto Centro di Memoria tin e mandato unico pa diagnostica oficialmente trastorno neurocognitivo di tipo Alzheimer , e instituti aki tin e mandato di AZV sabiendo cu no tin e ekipo pa haci e trabou di un Neuropsycologia pa por yega na un diagnosis confiabel.
Centro di Memoria no ta inscribi na KVK y e dokter cu ta un internista Sandro Waterloo ta diagnosticando personanan cu Alzheimer, pero e realidad ta cu e no por/ mag haci esaki debi cu e no ta un persona cu a studia celebro di hende manera un Neurologo so por haci esaki.
E trabou di diagnostica pa por conclui un condicion neurologico mester wordo haci pa un neurologo prome, acaso cu no ta sigur si ta trata un confusion di tipo Alzheimer e mester laga haci un neuropsychologisch onderzoek pa mas claridad.
Un Ouderen geneneeskunde ta differente cu un Geriater, pero berdaderamente Sandro Waterloo ta un Geriater? Kico ta pasando den nos mundo medico? , principalmente bou di nos Adultonan Mayor? Inspectie ta controla? Con por ta cu e tipo di actuacionnan aki ta pasando na Aruba? Ken ta tapa pa ken? Ken ta yudando ken ten koste di nos grandi nan?
A constata varios diagnostica incorecto unda cu ta apunta cu un persona tin Alzheimer pero e realidad ta cu e no tin Alzheimer. Un situacion hopi di lamenta debi cu na momento cu ta diagnostica un persona un situacion di su salud malo e ta bay traha riba tur otro situacion di e serhumano, manera tristesa y of depresion, pero siendo cu e persona no tin Alzheimer.
E personanan cu ta keda diagnostica malo cu Alzheimer cu na momento cu nan keda diagnostica ta bay busca un di dos opinion y ora nan bay na un Neuropsycologico di berdad ta constata cu nan ta personanan bon bon.
Sinembargo loke cu ta hopi straño den henter e situacion aki ta cu na momento cu pidi e personanan e rapport cu nan a keda diagnostica nan no tin esaki debi cu na Centro di Memoria nan no ta duna esaki. Dicon eingelijk? Dicon ta kibra e derecho di e pashent pa haya su diagnosis por escrito ?
Hopi ta ser pidi pa e ciudadano cana abase di ley, pero departamentonan di gobierno cu mester traha cu ley y mantene nan mes na ley no ta haci esaki. Cualkier pashent di un dokter tin derecho di haya su resultadonan di dokter. Sinembargo na Centro di Memoria esaki no ta sosode y si e sosode mes ta un caminda di cruz e pashent mester cana, dicon eingelijk ta asina pa e pashent?
Fundacion Alzheimer ta contra di abuso di hende y principalmente hende grandi. Geheimhoudingsplicht ta existi pa nos pashentnan, pero den nos leynan tambe tin cu ora abusonan ta tumando luga , nan tin e prioridad riba geheimhoudingsplicht.
Hopi hende ta kere cu geheimhoudingsplicht ta algo cu bo no ta papia maske kico pasa bo no ta papia riba bo cliente, pero a bin ta compronde cu tin un ley den nos sistema cu ta pasa riba e geheimhoudingsplicht na momento cu tin abusonan ta tumando luga.
Pa fundacion Alzheimer Aruba esaki ta hopi importante paso awor lo por raporta tur clase di abuso cu ta andando bou di nos grandinan na Ministerio Publico. Lamentablemente si mester bay inspectie, tin un sistema cu no ta ser yama Klachtenbureau mas, pero e ta ser yama “incidenten melding”, esey ta cambia cos completamente unda cu ta labamento di celebro y biramento di man pa e derecho y e berdad di loke un pashent ta pasa aden.
Mirando e desaroyonan cu ta tumando luga porta cu “Ouderen Zaken” kiermen negoshi cu nos Adultonan mayor ?
Aruba mester di un ley pa proteha nos grandi nan pa asina sa kico ta loke nos por haci miho pa e Adultonan Mayor di Aruba.