Bou di nos grandinan ta biba un preocupacion hopi grandi. Tin varios casnan di cuido (fundacion ), pero si realmente e fundacionnan aki ta apto pa cuida e grupo di adulto mayor na un manera confiabel y digno cu lamentablemente aparentemente no ta funciona na Aruba
Na momento cu tin ken cu ta y of kico cu ta, ta traha na funcionnan dies pa gana placa ta haya tipo di problemanan severo bou di dak di cuido di nos grandinan.
Lamentablemente tin casonan cu ta yega asina leu ta haya holo rank di orina di e pamper di nos grandinan na e cas unda nan ta. Esaki no ta significa cu tur cas ta asina, pero tin basta cas cu e situacion no ta aceptabel.
Tambe tin casonan cu e adulto mayor ta cay y despues ta fayece spontaneamente y hasta famia no sa kico ta sosode. Hopi biaha e adulto mayor ta cay debi cu no tabatin hende presente cu ta cuidadonan , pero si tin testigo cu ta mira kico ta pasa y na final e adulto mayor cu ta cay ta fayece y hende tin miedo di papia loke nan ta mira
Tambe tin casonan den casnan di anciano unda cu e persona ta haya sarna, un situacion inaceptabel cu ta pasa den nos cas nan di anciano na Aruba pero ningun control y of medida ta tuma na tempo.
Tampoco no tin un regla kende si of kende no por habri un cas di anciano, pushi y cacho por bin habri un cas di anciano na Aruba sin cu tin un conocemento di cuido responsabel, pero ta enfoca solamente riba e placa.
Na mes momento si e doño mes no ta esun cu ta traha pero dirigi e cas di anciano no mester di papel, pero e personanan cu e ta tuma den servicio mester por. Hopi biaha aki ta caminda e ilegalnan ta bin traha y bou di cuia di HIAS pa un supuesto proyecto di “empredimiento” y mayoria di nan no tin un scol den e nivel di cuido y caminda nos grandinan ta haya e trato di mas malo cu tin, algo sigur cu nos no merece.
Lamentablemente tur e partinan aki ta baha e calidad di Aruba, e calidad di conocemento paso ta dies duna hende trabou cu no ta den nan rango, pero na final tur cos ta pa e placa y no e amor pa e trabou.
Lamentablemente tambe tin casonan unda cu yiunan ta abusa di nan grandi nan enbes di cuida nan grandi nan. Yiunan ta uza nan placa, maltrata nan, intimida nan unda cu nan ta biba bou di medio y insiguridad. Esaki ta specialmente adultonan mayor cu tin Alzheimer cu no ta compronde kico ta pasando rond di nan. Lamentablemente e abuso nan ta escala dia pa dia.
Tambe tin un caso cu e casa ta bisa cu e sra tin Alzheimer y tin mas cu 30 medicamento ta duna su sra, pero na momento cu ta papia cu e sra ta mira bon cla cu e sra. no tin nada di Alzheimer, pero na momento cu nan a duna e diagnosis e la sinti su mes bou di un depresion cu e ta mira bida no tey mas pe, esaki no ta significa cu e tin Alzheimer. Sinembargo kende realmente por y mag diagnostica un persona cu trastorno neurocognitivo di tipo Alzheimer ?
Tambe un caso cu tin hopi atencion ta un persona cu ta na cama y e persona cu ta bin cuida e adulto mayor cu ta riba cama, enbes e bin cuida e sra. e ta bin cuida e casa di e sra y e ta abusa di e sra cu ta riba cama unda cu ta maltrate y bise pa e cera su boca, paso su casa lo bay drumi cu ne y e mester keda keto. Tur esaki nan ta tipo di abusonan cu ta pasa cu nos grandinan. Tambe tin casonan unda cu pampers di e personanan no ta wordo haci limpi y e persona su cuero ta wordo habri bibo.
Ta di lamenta cu asina hopi abuso ta tumando luga den un comunidad asina chikito di Aruba. Algun ta papia, pero tambe tin di esunnan cu tin miedo pa papia y denuncia loke ta pasando cu nan. Hopi biaha nos grandi nan tin miedo di intimidacion di nan propio yiunan abusador.
Banda di esaki absolutamente nada no a wordo haci realmente na bentaha di nos grandi nan na Aruba, pero pa bentaha di otro cosnan y situacionnan unda cu patras di e cortina e realidad ta otro cu e grandi nan ta sufri.
Sinembargo Fundacion Alzheimer Aruba riba e dia di Alzheimer kier trece conscientisacion riba e partinan mas impactante cu ta sosode den nos comunidad.