Pa loke ta trata introduccion di salario minimo pa ora ta un trabou cu a cuminsa for di 2 aña caba. Na momento cu a cuminsa traha riba e parti aki ta debi cu pa decadanan tabatin preocupacion. Segun minister di Labor Glenbert Croes cu for di añanan 70 ley di salario minimo for di tempo di Antias na momento cu bo traha 40 of 48 ora ta gana e mes un salario, despues e la wordo baha si bo traha 40 ora of 45 ora bo ta gana e mes un salario minimo.
Esaki ta e esencia di e desigualdad cu tin y minister demisionario Glenbert Croes kier trece cambio den esaki mirando cu e preguntanan ta na halto si esaki ta husto pa e trahado cu ta traha 40 ora of uno cu ta traha 45 ora ta gana mes un cos cu esun cu ta gana 40 ora, e contesta ta no. Un trahado cu ta traha mas cu 40 ora sea ta 41-42-43-44 of 45 ora mester wordo paga pa e oranan cu a te traha.
E esencia di e estudio tabata e parti aki y asina a tuma e decision cu e salario minimo na Aruba desde prome di januari 2024 ta 1986 ta 20 florin , esaki a keda subi durante di e añanan cu minister Glenbert Croes tabata minister pa casi 250 florin mas. Sinembargo na momento cu a cuminsa studia pa e introduccion di e salario minimo pa ora y busca un instrumento pa elimina e desigualdad den esun cu ta traha 45 ora cu ta wordo paga mes un cos cu esun cu ta traha 40 ora.
Na momento cu a mira esaki a cuminsa haci e calculacionnan y mester a splica dicon ta hiba e salario mensual pa e salario semanal pa por yega na e ora unda cu tambe ta keda corigi. Den conseho di minister a tuma e decision aña pasa pa e introduccion, tambe tabatin mocionnan den staten y despues a pidi conseho na Sociaal-Economische Raad (SER) unda cu tin gremionan comercial , sindical y gobierno tambe. E conseho general pa cu esaki a bin positivo, esaki ta debi cu ta elimina e desigualdad unda cu lo mester paga e trahado e oranan cu e ta traha.
Na e momentonan aki na Aruba tin un cantidad di 5 mil famia ta cobra salario minimo di 1986.20, Segun Minister Glenbert Croes e esencia pa stop e desigualdad aki maester tuma luga, pero tambe manera Sociaal-Economische Raad (SER) ta pone den nan conseho ta yuda e hende muhenan unda cu e tendencia cu tin den mercado laboral cu nan ta wordo paga menos cu hende homber. Sinembargo na momento cu haci e cambio e ta un di e manera nan pa elimina e discrepancia y e desigualdad aki.
Tambe ta papia di SDG’s unda cu ta papia di inclusion, trabou decente, entrada decente y Aruba mester honra esey cu hecho. Pa e motibo aki mes tambe Minister di Labor ta kere cu introduccion di salario minimo despues di dos aña di trabou pa prepara esaki , por bisa cu awe Aruba por disfruta di dje.
Na e momentonan aki salario minimo abase di 40 ora ta bira 2007.05 florin, 42 ora 2107.40 florin, 44 ta bira 2207.75 florin pa ora y si ta traha 45 ora lo gana 2257.93 florin. Esaki ta e salario pa e oranan cu nan ta traha. Minister Glenbert Croes ta contento cu a cana un caminda largo unda cu den Sociaal-Economische Raad tin tripartiet como representacion den e conseho a indica pa subi e salario , pero na mes momento a indica pa tin un metodo pa no bay subi prijs.
