Na IMSAN a tuma luga un momento special unda cu a haci entrega di varios auto nobo di ambulance. Director di IMSAN Drs J.R.Rajnherc ta duna di conoce cu e paso aki ta significa cu e servicio di ambulance por garantisa cu e vehiculo cu ta garantisa cu por yega na e pashent ta na ordo, e problema ta cu actualmente e departamento di ambulance tin algun auto cu ta basta bieu caba y cu mester ta afgescherven. Segun director di IMSAN Drs J.R.Rajnherc e problema ta pa haya ambulance nobo mester warda debi cu no tin reemplaso riba mercado di biaha.
IMSAN ta hopi orguyoso di loke a logra pa Aruba unda cu a cumpra for di dos compania diferente y a logra pa e aña aki mes a haya e 4 ambulance nan pa por reemplasa e otronan. Otro aña lo bolbe haci peticion pa por cumpra 1 ambulance mas pa asina por reemplasa full e lota di ambulance cu Aruba tin.
Actualmente IMSAN tin mas of menos 9 pa 10 ambulance riba lista y mester percura pa cada aña reemplasa e ambulance mas bieu pa asina IMSAN keda up to date cu a ambulancenan. Tambe a ricibi oportunidad pa cumpra e ekipo medico cu e enfermero nan tin mester riba un ambulance.
Pa prome biaha a uza e marca cu a scoge y awo lo bay evalua si e marcanan scogi ta bon, pesey mes a cumpra uno so pa mira e calidad y si e ta bon lo sigui cu e marca nobo. E marca cu IMSAN ta desea ta un marca cu no ta keda distribui den Caribe y esey ta e problema cu no por a haya e mes un marca cu ta conoci caba pa IMSAN.
IMSAN tin diferente ideanan y un di nan ta pa haya e oportunidad pa haya e central di 911 di e parti medico unda cu bou guia di IMSAN cu e personal di ambulance unda cu lo ta bay tin hende nan prepara pa haci e trabou di central. Actualmente brandweer ta haci e parti central y nan ta haci nan best , pero e realidad nan no ta ekipa y studia den e ramo medico pa sa kico pa papia cu e persona cu ta yama y duna e melding. IMSAN si ta prepara y ta spera di por haya e oportunidad pa por haya e parti di medico di 911 pa por duna e miho servicio na comunidad di Aruba.
