Prome Minister Evelyn Wever Croes despues cu a bay gobernador di Aruba pa entrega su gabinete, prome minister Evelyn Wever Croes a Sali pafo y a duna un declaracion oficial cu a caba di entrega henter e retiro di Gabinete Wever Croes 2 y entrante awe ta un gobierno demisionario y esaki ta significa cu gobierno por atende solamente e trabounan coriente y nada nobo. E decision aki a ser tuma abase di e decision di e partner den coalicion cu a busca aliansa cu oposicion y kibra e acuerdo entre MEP y RAIZ ,sin un acuerdo bo no por tin un gobierno.
Parlamentario Misha Raymond no ta gusta presidente di parlamento, mayan kisas e no lo ta gusta lider di fraccion di MEP y kisas e ta pidi pa e cambia e lider di fraccion, otro mañan Misha Raymond di RAIZ kisas no ta gusta minister presidente y ta pidi pa cambia prome minister ect ect , sinembargo di e manera aki di impone riba un liña cu no ta concerni su persona , asina no ta goberna un Pais.
Prome Mnister Evelyn Wever Croes tabata hopi cla cu stabilidad politico ta hopi importante pa Pais Aruba y no por keda determina pa pensamento personal di un solo hende. E acuerdo di gobernacion ta hopi fundamental y aki ta papia mane ta bisa na Hulandes “Politieke vertrouwensbreuk” . E gobierno a keda entrega na gobernador y esaki ta significa cu gobierno ta demisionario y e fecha di eleccion ta dia 6 di december y e fecha pa entrega lista ta dia 18 di october 2024.
Prome Minister Evelyn Wever Croes ta lamenta loke cu a pasa debi cu Aruba ta canando hopi bon y henter e comunidad kier pa Aruba sigui bay bon. E progreso ta den nos Pais pero ainda e no a yega na tur rencor di nos Pais. Prome Minister Evelyn Wever Croes como hende y como gobernante ta desapunta paso un gobierno cu a logra asina hopi durante di crisis y despues di crisis su periodo ta wordo corta aki.
Prome Minister Evelyn Wever Croes ta kere cu e pueblo di Aruba tambe ta desapunta, pero kier sigura comunidad y tur ciudadano di Pais Aruba cu su persona y tur su coleganan, como gobernante y como politico lo sigui traha pa bida di tur nos ciudadanonan pa asina trece progreso den Aruba pa tur ciudadano y hunto lo haci esaki.
A bin ta haci trabounan hopi grandi durante pandemia y despues di pandemia y awor aki tin tur e confiansa cu e pueblo di Aruba lo sa pa deposita su confiansa pa partido electoral di pueblo como e partido serio y responsabel den gobernacion cu a logra cosnan grandi pa Aruba y lo sigui haci esaki.