Lider di fraccion MEP Hendrik Tevreden ta lamenta cu partner di coalicion MEP-RAIZ ta kibra palabracionnan haci sin cu ta duna un motibo cla di kico ta e rason cu no ta sostene candidato di fraccion di MEP, pero mas ainda di mira den e forma cu e situacion a cana sin cu tin un claridad riba dje e no ta aceptabel.
Sinembargo na final di dia lider di fraccion di MEP Hendrik Tevreden ta duna di conoce cu manera presidente di parlamento mes a bisa e stoel ta di pueblo. NO por kita y felicita Edgar Vrolijk cu su trabounan cu e la bin ta ehecuta desde e prome dia cu tabata presidente di parlamento unda cu ta haci tur esunnan cu a vota pe y su famia orguyoso y a representa nan dignamente.
Fraccion di MEP ta felicita sr. Kamperveen y desea su persona hopi exito, perona mes momentop no ta laga afo e tremendo trabou cu presidente di parlamento Edgar Vrolijk a haci durante tur e anjanan den e posicion como presidente di parlamento.
Hopi cos a ser papia cu Vrolijk tabata imparcial sinembargo esaki no ta cuadra cu berdad debi cu te dia di awe no tin ni un reunion di oposicion cu no a wordo yama y esaki ta indica como presidente di parlamento a duna oportunidad na cada un cu a entrega nan carta di peticion pa nan haya nan reunion, pero los di esaki Edgar Vrolijk tabata un presidente di parlamento cu ta busca pa soluciona problemanan cu tabatin, porehempel ley di ombudsman cu tabata pega, como presidente di parlamento a tuma riba su mes pa por finalisa esaki y por a manda e ley cu tur e consehonan y tur e expertonan cu a yuda y conseha pa yuda pa awe por a finalisa y Aruba por a haya su Ombudsman.
Lamentablemente parlamentarionan prome y presidente di parlamentarionan prome cu no tabata desea un ombudsman ta bringa husticia indirectamente durante di tur e añanan unda consecuentemente Aruba ta e ultimo Pais den Reino Hulandes cu a pone un ombudsman, esaki ta bisa hopi di tur e parlamentarionan politico cu a vota contra pa Ombudsman bay den constitucion tambe. Aki ta mira cu e organo di parlamento ta hopi putri pa traha pa Aruba y no nan saco.
Tambe Presidente di Parlamento a traha riba e geschillenregeling cu tin decadanan ta bringa esaki den reino y presidente di parlamento Edgar Vrolijk ta un di e gran motornan tras di e segundo concepto di e proceso aki y historia lo bay marca tur e partinan unda cu ta ilustra tur e trabounan cu a keda haci como presidente di parlamento di Aruba durante e añanan.
Presidente di parlamento Edgar Vrolijk tambe a demostra e pasion pa scol , pa enseñansa,innovacion y contribucion cu ta duna na gobierno di Aruba pa Pais Aruba pa bin cu e proyecto di adopta un scol y e la bira realidad pavia di e idea aki di e simia cu a planta practicamente tur scol tin airco awe unda cu tur mucha ta haya nan les nan den klas nan cu airco y borchi di innovacion cu ta ideanan cu presidente di parlamento Edgar Vrolijk a bin ta haci pa Aruba.
Na momento cu a sinta como presidente di parlamento e prome cos cu a drecha ta e reglanan cu mester tin den cas. E prome reunionnan debi cu no tabatin regla e reunionnan no ta bay agradabel , pero a pone ordo pa asina e reunionnan cana segun ordo unda cu hopi di e parlamentarionan malcria sigur no ta gusta pero den cada cas mester tin regla cu nos tur mester mantene na dje.
Tampe Presidente di Parlamento Edgar Vrolijk a haci hopi pa loke ta trata e maneho nan mes hunto cu e colega di staf di griffier unda cu e reglanan a keda drecha unda cu a pone regla pa Fractiemedewerker, fractie-ondersteuners, prome cu a bin cu e reglanan tabatin manera un free for all den parlamento y tur esakinan a pone un ordo den esaki pa asina tur cos cana nechi segun cu nan mester cana.
Lider di fraccion di MEP Hendrik Tevreden ta kere cu ta importante pa tur e trabounan cu a keda haci resalta y fraccion di MEP ta orguyoso di Edgar Vrolijk . Manera e mes a bisa cu e stoel den parlamento ta un stoel di pueblo y fraccion di MEP ta pensa mes un cos y MEP ta para fuerte cu Edgar Vrolijk y hunto schouder cu schouder paso como politico Edgar Vrolijk merece esaki mirando cu a demostra di por a opera y maneha na un nivel cu kisas hopi no gusta, pero cu integridad y ordo como presidente di parlamento.
