Decision riba taxistanan ta un decision no necesario, e discusion no tin espacio pe, E discusion di si por transferi un permiso di un taxi si of no pa un famia ta regla pa ley. E ley ta bisa bon cla cu e minister no MESTER duna un famia, pero e ley ta bisa cu e minister POR duna un familiar, no necesariamente MESTER duna e familiar e minister por duna un NO tambe, asina e ta den ley actualmente “KAN”
Esaki ta significa cu e minister ta dicidi si un hende ta entrega su permiso y of si un hende ta fayece y of un hende ta baha cu pension e mandatario ta esun cu finalmente tin palabra conforme ley pa dicidi si e persona ta bay traspasa su permiso si of no pe y cu esaki no tin mester di un MB. Loke mester ta duidelijk den esaki ta kico ta loke ta midi y evalua si e persona por haya e permiso di famia of no por haya esaki, te ainda no ta conoci si e structura aki ta valido.
Por a tuma nota cu minister ta indica cu atrabes di un MB mester / kier stop cu e maneho di traspaso pa famia, esaki no por , ta contra di ley. Aki ta caminda cu e mandatario kier haci cambio y pone un comision cu lo ta dicidi y cu lo ta conseha minister, pero na final ta e minister ta manda riba e comision tog dus kico ta e esencia di trece un comision, siendo cu ya hunto cu e director tin un comision caba?, kico realmente tin tras di kier trece un comision independiente banda di loke tin caba? cu na final ta e minister ta esun cu ta dicidi tog indirecto, dus ta sali for di directo pa indirecto pero na final ta e mes ta tuma e decision y e comision ta dies un manta pa tapa cara, wowo y orea di e ciudadano ?. Smokescreen?
Loke ta un berdad e ley no mester di ningun cambio pa e minister implementa su maneho na e momentonan aki, paso e ta esun cu mester aproba y firma, pero awo kier implementa un comision y kico cu bay bon of malo e minister por bons bek riba e comision su decision cu sea a lage firma of no ta laga firma. Esaki ta simplemente e mandatario no kier asumi su responsabilidad y pone e director traha manera debe ser. Kico ta e rol di e director di DTP y e comision cu ya tin interno? Pueblo di Aruba ta pagando nan pornada?
Henter e discusion aki loke cu ta hopi malo Minister Ursell Arends ta practicando henter e proceso di e MB ilegal, paso den e MB e mandatario kier adelanta riba un cambio di ley caminda cu kier prohibi cu por traspaso di permiso unda cu e ciudadano no ta haya transferencia, pero pa e mandatario haci esaki e mester cambia e ley pa cu esaki y esaki ta e caminda cu e mandatario no ta canando caminda pa parlamento. Awo acaso si e comision bin por garantisa cu lo no tin traspaso di transferencia? Ken lo carga e responsabilidad e ora ? e comision?
Sinembargo tampoco no por hinca e cambio aki den un MB paso den un MB bo no por hinca un cambio riba un ley cu ainda parlamento no a vocifera su mes riba dje, parlamento ta e organo legislativo di Pais Aruba y ta parlamento por bisabo si bo por cambia un ley si of no, pesey mes un mandatario por actua previo cual cu ta e intencion di e mandatario tambe den e caso aki, pero por cana esaki solamente si e ta na bentaha di e ciudadano, no ora e ta un desbentaha pa e ciudadano y of na momento cu kier perhudica loke cu ta sosodiendo actualmente riba un ley y maneho di mas di 40 aña caba y cu e ta den ley regla. Aparentemente e hurista di e mandatario no ta esun di mas miho hurista y consehero di e mandatario.
Mirando esaki e MB ta totalmente robes e mandatario mester respeta pero no kier sinta na mesa y basha awa den biña pero cu kier keda para riba un standpunt cu na final dies kier bin cu un otro MB riba un otro MB y tog e ta elimina e MB cu e taxistanan a pidi pa a hala nan atras e maneho cu e kier, pero mustrando cu e ta minister y e ta manda no ta baha cabes paso supuestamente no kier perde cara , pero na final ta pone un otro MB riba e MB cu e la impone sin consulta y tog ta kita e MB cu e taxistanan a pidi pero na e manera cu e kier y no como un mandatario cu ta compronde e situacion di e taxistanan y ta acepta su eror.
Den e ultimo reunion tabata bon cla cu e mandatario no kier kita e MB di su maneho y a sigui sinta na mesa cu e grupo di taxi cu ta e grupo cu ta den e kring di e mandatario y e otro taxinan cu ta mayoria nan peticion no a keda honra y asina e mandatario ta dies hala nan un banda y sigui na mesa y sigui cu su pensamento pa su grupito y no ta tene cuenta cu e algemenebelang di ciudadano nan na Aruba, pero pa e grupo cu si a bay na su amen aunke tin un MB ilegal riba mesa. Ra ra ra ta dicon ?
Lamentablemente esaki ta un forma di dictadura na Pais Aruba pa cambionan cu na final no lo mira un cambio beneficioso abase di ley pa ciudadanonan di Aruba. Na momento cu permiti cu un minister ta cambia un ley caminda cu e ta perhudica e ciudadano cu e ley ta proteha e ciudadano paso e minister kier cambia su maneho esey no ta corecto.
Parlamento ta e instituto oficial legislativo pa bo por hiba discusionnan. Tur otro cos cu ta rond sea ta belasting ect ect ta un otro punto cu no ta regarda e cambio di ley cu e minister kier haci atrabes di un MB y ta uza tur e puntonan rond di e echo cu kier cambia como argumentonan pa sostene un acto ilegal cu e mandatario ta haciendo na e momentonan aki.