Den oranan di atardi pa anochi a tuma luga dos entrada hudicial na Dakota. Ta trata aki di un cas den Pindastraat y un cas den Milonstraat. Ambos cas tin di haber cu droga y bendemento di droga. Den e cas na Pindastraat a presenta un grupo di recherche , K9, CEA y tambe arestatie team cu a presenta algun minuut pa kibra un porta y drenta y asina recherchenan por a sigui haci nan investigacion. E cas den pindastraat ta un di e casnan cu den e ultimo dianan aki ta basta den noticia unda cu poco tempo pasa un homber lo a fayece. Sinembargo awe a yega na e sitio pa un otro investigacion y na e sitio a detene tres hende muhe y a bay warda cu nan.
Tambe den Milonstraat recherchenan y K9 a drenta den e cas y a haci nan investigacion. E grupo di recherche a listra den e cas y apartamentonan, pero tambe den e autonan cu tabata na e sitio. Nan a baha cu e custumbrado bakinan preto cu geel pa asina tuma den beslag loke cu nan ta considera pa nan haci nan investiga riba nan.
