Pa loke ta trata e reunion cu minister Ursell Arends den comision di transporte Lider di fraccion Accion 21 Miguel Mansur ta sinti cu ta dos caminda tin, of MEP ta guli y manda e dos MB nan di minister Arends abou , of Gabinete Wever Croes ta bay cas. Esaki ta e unico dos camindanan cu lider di Accion 21 ta wak su dilanti y ta kere cu e decision lo ta den fraccion di MEP of partido MEP si ta tuma e dos MB y si e no tuma esaki ta kere cu e gabinete actual lo yega su final.
Tin hopi punto cu e keda discuti y cu ta preocupante pa loke ta trata integridad, bon gobernacion. Segun lider di Accion 21 aki ta caminda cu a surgi e pregunta atrabes di e presidente di parlamento ta nenga pa e reunionnan aki tuma luga den un formato publico cu pueblo por sigui. Den e reunion di comision di transporte publico tabatin hopi reunion cu ta surgi pueblo su propiedad y pueblo su placa unda cu e maneho su pueblo ta deposita den e gobernante y politiconan. Lider di fraccion di MEP ta duna di conoce cu pueblo mester cuestiona dicon ta sconde y no kier pa loke keda discuti keda haci di un forma publico.
Na mes momento lider di fraccion Accion 21 ta sinti cu su pueblo mester haya tur e informacion cu e parlamentarionan a haya den e comision nan lo compronde miho dicon e pasonan a ser tuma y pakico nan ta necesario. Mirando esaki ta kere sea MEP ta tuma e dos MB nan aki of gabinete wever croes ta bay cas.
Esaki ta un problema cu a cuminsa den minister raad y si nan no por traha hunto nan sa e caminda pa gobernador. E deseo di Miguel Mansur ta pa e pueblo ta bon informa nos tur ta aki pa sirbi pueblo, e ta un privilegio y un honor cu cada un di nos tin pa sirbi pueblo y ta importante pa pueblo tuma nota di e sistema dictatorial antitransparencia cu ta ser hiba den staten unda cu diferente fraccion a pidi un reunion publico y minister mes tambe a pidi un reunion publico, pero presidente di parlamento pa faborese su partido kisas pa noticianan no positivo di su partido no Sali afo y mira luz di dia ta mina nos democracia unda cu ta haci nos institutonan mas fragil y realmente ta perhudica interes general. Na momento cu nos ta mehora y independisa staten tin hopi trabou pa haci pa democratisa funcionamento den parlamento, segun lider di Accion 21 Miguel Mansur.
Den bista di lider di fraccion Accion 21 Presidente di parlamento tin mucho poder y e periodo cu e ta den parlamento a tuma nota di e abuso di e poder contra y impugna di interes general, esey sigur bayendo dilanti no ta aceptabel, segun lider di fraccion Accion 21.
