Despues cu taxistanan a reuni cu parlamento di Aruba comision di transporte publico den parlamento a yama minister Ursel Arends pa asina scucha di su banda tambe kico ta su punto di bista y kico ta su maneho cu e tin deseo riba dje. Parlamentario di fraccion di MEP Alvin Molina a duna di conoce cu e pregunta central den e reunion ta ken ta fout y kende no ta fout ta e parti central cu ta pasando den tur e dianan aki entre e reunionnan. Esaki tin di haber cu e tema di integridad, berdad ta cu integridad ta algo hopi importante pa cualkier maneho y of cualkier cos cu mester haci, pero na final integridad no mester ta e meta di e reunion.
Segun parlamentario Alvin Molina na momento cu ta mira integridad no ta un herment mas pa haci trabou y integridad ta bira bo meta principal e ora ta mira cu cosnan ta bay fout. Sinembargo nos mester ta consciente cu tur caminda por haya problema y cu e por ta un issu como maneho sea cu e ta actual of di antes .
Esaki ta pone cu bo ta mira cu tin cierto casonan ta wordo uza bou di e capa di integridad pa perhudica full un sistema cu ta funcionando pa decadanan largo cu ta un sistema cu a keda poni cu su motibonan, tambe porta awo ta tempo pa evalua e motibonan, pero pa dies hisa benta y cambia cos un dia pa otro sin cu e stakeholders ta sinti nan mes envolvi bou di e capa di integridad bo ta ripara cu esey ta trece hopi problema .
Tambe un ehempel cu a uza ta permisonan cu a keda firma un dia prome cu eleccion, pa parlamentario Alvin Molina esaki ta algo cu kisas no ta facil, pero pa stempel esey como corupcion mester tin hopi mas di solamente dies bisa a duna e permiso un dia prome cu eleccion, awo si e la pasa un aña prome cu eleccion e lo a haci un diferencia ? Tambe loke cu ta straño ta cu awo den porta di eleccion minister Ursell Arends kier bin bisa cu permisonan a keda firma den porta di eleccion pasa, algo aki no ta cuadra.
Segun parlamentario Alvin Molina pa algo ta corupcion mester por demostra cu e ex minister lo a haya un fabor a cambio di un trabou cu e mester a haci. Si mester dies bisa cu a firma un permiso ta un acto coruptivo e ora “eingelijk” e ora asina un minister sinta nos mester pone un wowo riba dje paso e ta corupto? E ora loke cu ta e mensahe cu nos ta duna ta cu nos no ta confia ningun minister mas cu nan firma y ora ta dicon nos tin gobierno.
Parlamentario Alvin Molina ta kere cu un minister mester tin su autoridad pa tuma decision, pero no solamente paso e ta un minister y e ta gobierno , pero e ta esun cu mester para responsabel tambe y cu mester duna cuenta , anto esun cu ta duna cuenta mester ta esun cu ta duna autoridad. Por tin comision, departamentonan y hasta haya consehonan como minister pero na final esun cu ta dicidi ta esun cu ta firma y ta esun cu ta responsabel.
Lamentablemente ta mira cu hasta e mandatario ta tira e bala den parlamento mane ta parlamento ta duna instruccion, esaki ta berdad paso parlamento ta su hefe . Sinembargo den e caso aki no ta parlamento a bisa minister tuma e decision riba e dos MB nan cu a la presenta awor aki.
Segun parlamentario Alvin Molina parlamento a pidi e mandatario pa bay eyfo y sinta hunto cu bo stakeholders pa asina mira kico ta e posibilidad pa bin cu taxi meter cu kisas ta cumbini tur hende y kisas hasta e taxistanan.
Loke cu a constata ta cu minister ta maluza loke cu parlamento a pidie y uza esaki comosifuera ta parlamento a pidje pa trece e dos MB nan aki como su maneho. Sinembargo e minister por eherce un maneho , pero loke cu no ta aceptabel ta cu e mandatario ta bin tire riba parlamento, esaki sigur no ta aceptabel. Minister Ursell Arends a trata di manipula riba parlamento y ta maluza di loke ta e peticion di parlamento.