Den parlamento ta parlamento ta manda. E reunion cu minister Ursell Arends ta un reunion cu e comision di transporte publico cu a manda yama minister Ursell Arends pa mira su banda di medaya despues cu a sinta cu e taxistanan. Sinembargo den e reunion di taxista por a compronde cu minister Ursell Arends a manda un carta pa parlamento pa asina pidi pa e reunion ta den un reunion publico.
Esaki no ta bay sosode debi cu no ta minister ta pidi con e reunion ta tuma luga den parlamento, minister no ta manda riba parlamento , pero parlamento ta esun cu ta yama e minister y atende cu ne riba su mal maneho of bon maneho cu e ta haci.
Den e caso aki e reunion no lo ta publico debi cu a sinta scucha e taxistanan nan banda di medaya y awo parlamento kier scucha e mandatario su punto di bista riba e maneho cu e kier implementa. E reunion lo ta den e comision di transporte cu ta un reunion den porta cera.
Si dado caso cu parlamento ta haya y ta kere cu mester yama un reunion publico esey ta keda na parlamento dicidi esey. Pero te cu awo e reunion lo ta den comision di transporte cu ta un reunion secreto. Na salida di e reunion cu taxistanan EAnews por a combersa cu presidente di parlamento na momento cu e la subi su auto bay y a indica cu e reunion no ta publico.
