Dialuna ultimo a cuminsa un reunion di Parlamento den cual a trata un concepto di cambio di ley, cua ta permiti Minister di Finansa, Javier Silvania permiso pa bay over pa gobierno exonera un suma 300 miyon di florin na belasting atrasa cu ta data for di 2017 bay atras.
Den e reunion cu a cuminsa dialuna a sigui caminda tabata palabra- y acusacionnan pisa a cay di un banda pa otro esaki a conduci na e hecho pa Prome Minister Gilmar Pisas dirigi un carta na lider di partido PNP, esta Ruthmilda Larmonie-Cecilia den e ta participa cu MFK lo no sigui traha mas cu su partido den coalcion loke a pone cu gobierno di Corsou a cay.
Sinembargo esaki ta pone cu tin posibilidad pa yama un eleccion nobo dentro di tres luna pero na mes momento MFK por forma un otro coalicion cu entre otro partido KEM di Michelangelo Martinez kende a mustra su disponibilidad pa forma parti di un coalicion nobo pa asina traha pa pueblo di Corsou.
Otro posibilidad ta pa yega na un acuerdo cu e miembro di Parlamento di Corsou independiente esta Zita Jesus-Leito y ainda tin otro partidonan cu lo por forma parti di e siguiente gabinete di Gilmr Pisas.
Esaki lo bira conoci den proximo dianan pero MFK lo bay reuni den su propio seno pa analisa e situacion politico cu tin na e momentonan aki ya cu pa otro aña 2025 lo tin e proximo proceso electoral.