Parlamentario Marco Berlis den un conferencia di prensa cu a keda yama a presenta un iniciativa di ley di referendum pa por pone esaki den constitucion.
Pa e parlamentario ta un dia historico debi cu nos Pais no conoce referendum inclui den constitucion. Despues di mas di un aña di trabou a yega e momento cu ta entrega e ley pa asina cana su caminda pa Raad van Advies unda cu diferente parlamentario nan a traha riba e ley di referendum pa asina e por bira un realidad. Segun parlamentario Marco Berlis e meta ta pa impodera e pueblo y fortifica nos democracia dunando pueblo un tools mas pa asina e por influencia di kico e kier wak concretisa of no na Pais Aruba.
Como representante di pueblo esaki mester ta e prioridad , e ley lo keda entrega na raad van advies pa asina e ley por sigui su consehonan. Aunke cu tin otro politiconan cu no ta wak e ley di referendum importante, fraccion di MEP si ta kere cu e ta un ley sumamente importante pa pueblo por mustra su deseonan con e kier mira e futuro di e pais aki na momento cu ta trata decision nan cu por haci un cambio drastico den comunidad.
Actualmente nos ta bibando den un era unda cu tin diferente temanan cu realmente ta hopi conflictivo y delicado den nos comunidad. Tambe si mester tuma nota di e deseo di comunidad cu hopi decision e deseo ta biba den e comunidad cu nan kier expresa nan deseo atrabes di un referendum. Parlamentario Marco Berlis ta hopi contento di por entrega hunto cu su coleganan Hendrik Tevereden, Alvin Molina, Ricky Hoe y Racond santo do Nacimiento e ley na presidente diparlamento Edgar Vrolijk pa asina e por cuminsa cana su caminda den raad van advies pa asina por keda presenta y trata den parlamento mas pronto cu ta posibel.
