Den fin di siman na fundacion Rancho a tuma luga un anochi di informacion y celebracion di dia di Tula cu tabata dia 17 di augustus ultimo. Pa e motibo aki mes Fundacion Rancho a recorda Tula riba su dia hunto celebracion di 200 aña di Oranjestad. Tipo di historia nan asina ta importante como comunidad pa conscientisa nos mes riba dje. No ta tur cos ta celebracion pero importante pa conmemora y conscientisa bo mes riba historia y herencia.
Historia sigur ta importante pa pais Aruba, te ainda tin hopi storia cu nos no sa di dje. E buki cu tin actualmente di registro por mira den dje skirbi cu ta den bari di sushi a haya e file aki y por a scapa e pida di historia aki, si no tabata pa e file cu a keda scapa, Aruba no tabatin ningun registro di esclavonan cu a nace entre 1840 pa 1863, pesey mes ta hopi importante pa bay den e informacion ey pa asina sa kico por a pasa paso tin hopi mas informacion cu nos no tin y ta desea pa tin paso Curaçao si tin e informacionnan aki y si mester mira e similaridad di e historia entre e islanan di kico por a pasa por kere cu Tula ta un historia cu a keda exporta di Corsou pa e otro 5 islanan den Reino Hulandes y Aruba sigur no ta keda afo.
Segun Presidente di fundacion Rancho si semper e hende nan ta bin di Corsou pa traha un famia di Tula mester por a bin for di Corsou pa bin traha na Aruba tambe. Esaki ta un di e informacionnan cu mester investiga pero asina tambe lo tin hopi mas pa investiga.
E luna di augustus Fundacion Rancho lo bay dedica na varios evento den luna di augustus pa asina pa conscientisa e comunidad di Aruba riba e 200 aña di oranjestad ta solamente e nomber Oranjestad, pero playa mes ta existi pa hopi aña caba y tur loke cu ta existi mas di 500 aña pasa kico nan ta , pero na mes momento nos por mira di kico nos ta awo. Importante ta con nos por mira nos oranjestad awe 2024 y kico ta loke nos kier pa futuro di oranjestad y pais Aruba. Oranjestad ta un capital caba y nos como Arubiano mester ta hopi mas orguyoso di nos capital caminda cu ta bo luga pa mustra mundo cu ta existi ya caba pa mas cu 200 aña.
