Dicon minister Ursell Arends no a yega ministerio publico ainda? Tin realmente casonan di bendemento di permiso ? of tin casonan di bendemento di permiso cu e sa of no sa cu a sosode pero cu e mes a firma pa Arubianonan y pa stranhero? Kico ta e causa cu no a yega ministerio publico ainda.
Parlamentario Hendrik Tevreden den conferencia ta indica cu minister Ursell Arends den su conferencia di prensa ta indica cu tin 8 asuntonan cu e la atende y te na unda cu a keda descubri ta 1 caso di bendemento di permiso tin.
Sinembargo loke cu ta un realidad ta, si ta un caso of mas caso di bendemento di permiso di taxi tin no por sosode bou di ningun circunstancia. Segun parlamentario Hendrik Tevreden parlamento kier atende e cambio di ley pa no tin ningun buraco pa bendemento di permiso por sosode. Con minister Ursell Arends a haci e cambionan abrupto no ta na e miho manera y ta pesey mes ta urgi pa e minister bin parlamento.
Awo realmente Minister Ursell Arends ta na altura di tur e permiso nan cu a keda bendi bou man sin cu e mes ta na altura di dje? Of ta na altura di dje ?Con e mandatario lo por prueba esakinan siendo cu e mes a firma pa pasa e permiso pa otro. Un situacion cu ta compromete e minister di integridad sea cu e ta consciente of no consciente di dje.
Sinembargo awe den oranan di atardi minister di transporte Ursell Arends lo sinta cu e grupo di taxistanan.