Un grupo di boluntario cu ta yama nan mes mikemev ta haci algun trabou boluntario pa yuda nos comunidad. Merverlin Geerman no ta prome biaha a haci un proyecto cu Orthopedagogisch Centrum (OC), na 2018 a haci e prome proyecto y den 2024 a acerca e grupo di boluntario pa bolbe haci e proyecto un biaha mas. Interesante di e proyecto ta cu e muchanan por expresa nan mes nna por bin padilanti cu nan storia sin cu hende sa kende nan ta. Di e manera aki e muchanan ta saca nan dolor pero tambe ta conscientisa otro muchanan y hobennan di loke a pasa cu nan y cu nan mester tene cuenta y busca ayudo.
Un total di 7 mucha cu a haci e proyecto y cada un di nan a conta nan storia di bida di loke cu nan a pasa aden. Den e storianan ta Sali afo hopi abuso fisico y mental ,maltrato na cas y riba caya ta sosode. Sinembargo loke cu ta destaca ta cu mayornan mester pone mas atencion y mester wak pa nos yiunan, duna nan amor, scuchanan,kerenan den loke nan ta pasa aden.
Banda di cu e ta un proyecto social e ta un manera tambe cu e mucha ta desahoga su mes y cu e por expresa su mes sin cu ningun hende sa ken e ta y cu e no ta wordo husga. E team di boluntario Mikemev tin mas cu 7 aña ta yuda y ta boluntario cu OC y otro caminda unda cu ta haci e trabou cu hopi amor y cariño pa nos muchanan.
Na momento cu ta haci e proyecto aki cu e muchanan por tuma nota cu hopi emocion ta bin ariba, tin ta yora , tin ta expresa rabia, tin cu hasta no kier sa mes di carnaval paso eynan e ta wak e persona. E ta un momento hopi personal y special di e mucha y na momento cu ta haci e proyecto aki cu e muchanan nan ta bin cu nan begelijder y asina ta haya e tratamento pa asina nan por pasa over di e dolor y e tristesa cu nan ta biba den dje pa nan por sigui bay dilanti y focus pa ta un miho persona den bida y futuro.
Loke ta importante ta cu e muchanan mes ta gusta e arte cu nan ta haci, pero na mes momento e ta mishi cu nan emocionnan algo cu sigur ta importante pa traha riba dje y atrabes di e proyecto di nan propio buki di bida nan por enfoca riba nan mes y con nan ta mira nan mes di loke nan a pasa den dje, loke nan kier haci diferente y loke nan kier ta den futuro.
E exposicion lo pasa full rond di Aruba unda cu a cuminsa un siman na MFA Savaneta , awo ta un siman na MFA paradera y despues ta bay MFA noord un siman y final lo tey na Artista/ Artfair na San Nicolas dia 6-7 y 8 di september.
Ta trata aki di 6 mucha muhe y 1 mucha homber cu a durf di conta nan historia y loke nan ta sinti pa conscientisa otro muchanan di cu tin situacionnan cu ta pasa na Aruba y cu nan mester tene cuenta cu esey. Si tin algun persona cu kier haci un donacion y of kier trece un regalito pa nan esaki ta mas cu welcome y e muchanan por haya esaki atrabes di e grupo di boluntarionan di e proyecto di buki cu tin na exposicion.
E muchanan lo ricibi e regalonan na final di e exposicion y tambe lo saca e historia cu mas a impacta comunidad y cu comunidad mes a vota pe y tambe lo saca e buki di mas bunita dorna. Pa cada mayor ta importante pa sa cu ta importante pa un yiu por confiabo y pa bo tin tempo pa nan.
E invitacion ta keda pa e pueblo di Aruba apoya e hobennan aki duna nan e sosten moral y si kier trece un regalito pa nan semper esey ta welcome y nan lo ricibi e regalito na final di e exposicion.
