Pa locual cu ta trata e punto cu ta bisa oportunidad igual pa ciudadanonan yega na remarca pa un permiso di transporte publico, esaki lider di fraccion di MEP kier pone un bon enfasis riba dje cu ningun taxista no por bende ningun permiso. Un ciudadano di Aruba tin e derecho pa entrega un peticion y no por ta asina cu e mester cumpra e permiso.
Nos tur sa cu den e landsverordering esaki ta contra di ley , pesey tambe e mocion ta carga e pensamento cu no por bende permiso di taxi, y na momento cu ta papia di oportunidad igual esey ta nifica cu nos tur tin derecho pa entrega un carta pa bin na remarca si tin permiso di taxi habri pe ciudadano por haya esaki.
Na momento cu un persona ta cumpra un permiso e no ta aceptabel y e ta contra di ley y e mester keda atendi cu ne. Den e mocion tambe por mira cu tabatin dos parlamentario cu no tabata presente,esta Parlamentario Arthur Dowers y Parlamentario Benny Sevinger, pero Mike Eman, Mike de Meza, Mervin Wyatt Ras di fraccion di AVP y fraccion AVP plus cu ta Gerlien Croes nan a vota contra di e mocion pa atende e puntonan den e mocion y aki ta ilustra cu nan ta pro bendemento di permiso di taxi si of no ?
Lider di fraccion di MEP ta haci un pregunta na fraccion di AVP cu ta contra di e mocion cu a presenta den parlamento pa atende e puntonan cu ta cana malo den permiso di taxi, AVP ta pro pa permisonan di pueblo keda bendi ? Of nan tambe tin e mes un pensamento cu regla y oportunidad igual y no bendemento di permiso di taxi mester keda respeta?
Lider di fraccion di MEP ta haci un yamada pa minister Ursell Arends bay den dialogo manera e mocion mes ta bisa pa reglanan rasonabel pa esun cu ta haya e permiso ta den dialogo so ta logra esaki y no door di hisa benta riba esunnan cu tin permiso den un manera no rasonabel.
