Fraccion di MEP a yama un conferencia di prensa na unda cu ta elabora riba e situacion di taxistanan. Lider di fraccion di MEP Hendrik Tevreden a manda un carta pa minister Ursell Arends pa loke ta e deseo di locual cu tin na e momentonan aki andando entre taxistanan y minister.
E proceso cu e tuma luga ta falta hopi informacion riba dje tanto parlamento pero tambe e taxistanan mes sino nan no a welga. Pa e motibo aki mes fraccion di MEP a manda un carta dia 6 di augustus unda cu a haci e peticion pa invita e taxistanan pa bin parlamento den e comision oficial pa asina tur 21 parlamentario por haci nan preguntanan na nan y di dos ta invita e minister pa responde di kico ta e preguntanan y intrankilidad nan cu parlamento por a saca afo for di e taxistanan.
Fraccion di MEP a tuma nota di e conferencia di prensa di minister Ursell Arends unda cu e elabora riba e situacion pero fraccion di MEP den e carta tambe ta haci un peticion na e mandatario pa keda na mesa di e stakeholdersnan pa asina por busca un manera con por sali afo mas miho posibel di e situacion.
Segun lider di fraccion di MEP minister Ursell Arends a duna di conoce cu lo e bin na mesa den su debido tempo, pero parlamento ta di opinion cu na tur momento mester mantene un dialogo di informacion principalmente na momento cu ta trata di cambionan di ley cu parlamento. Lider di fraccion di MEP ta confirma cu e proceso a cana robes y ta pidi e mandatario pa e corigi esaki. Minister mester mantene contacto cu parlamento principalmente na momento cu ta papia riba cambio di ley pa asina tur cos cana den un manera corecto.
Parlamento di Aruba no tabata sa si e timeline aki cu a keda presenta y te cu awe ainda parlamento no ta na altura di e ley debi cu e ley no a yega parlamento, pero si ta contento pa scucha cu dia 16 di augustus e dialogo cu e taxistanan ta continua cu e taxistanan y ta spera cu e dialogo bay den bon forma.
Na mes momento tambe minister di transporte publico Ursell Arends a duna di conoce cu e la duna parlamento un draft di e ley di transporte publico na parlamento, pero esaki no ta cuadra cu berdad.
Lider di fraccion di MEP Hendrik Tevreden ta duna di conoce cu tin un documento di e reunionnan cu a trata den luna di december 2023 riba beleid mobiliteit en transport e mandatario a pone un draft y e parlamentarionan cu kier a wak e draft aki por a wak esaki.
Na mes momento e minister a vocifera cu e draft aki a keda sosteni door di 15 parlamentario. Sinembargo esaki no ta cuadra cu berdad loke cu Minister Ursell Arends a indica. Loke cu ta berdad ta cu e draft si a keda poni unda cu a pone 8 maneho ter inzage den e draft, pero esaki no ta significa cu e maneho y of e cambio di e ley ta cla.
Na momento cu e mandatario ta bisa cu e draft aki ta wordo carga pa 15 parlamentario cu a vota pro e mocion no ta berdad paso te ainda no sa debi cu ainda e minister no a presenta e ley pa asina e parlamentarionan por vota pro of contra di e ley. Cu e mes un rosea aki e mandatario no por bisa di antemano cu locual cu a presenta y of mustra ter inzage cu tabata un momento durante di un reunion, e mandatario no por bisa cu e ta wordo carga door di 15 parlamentario.
Lider di fraccion di MEP Hendrik Tevreden kier ta bon cla na momento cu kier papia di integridad ta kere cu esaki tambe ta parti di integridad pa splica e cambio den detaye pero tambe den e forma corecto con e ley a cana y kico ta e procedura cu ta haci e cambionan den ley pa loke ta trata transporte publico na Aruba.
