Den oranan di mainta delegacion di Little League Baseball a sali rumbo pa Pennsylvania pa asina participa na world series Baseball. Despues cu e delegacion di Aruba a bolbe bek for di Curaçao como campeon nan tin e reto pa bay participa na world series y nan ta cla pe.
Elwin Rincones ta manager di e delegacion, ta duna di conoce cu e muchanan ta cla pa e weganan , pero prome cu e dia aki , na momento cu nan a bolbe di Curaçao nan a bay den nan seno y a traha riba tur e partinan cu nan ta kere cu por bay miho. Na mes momento tambe tabatin puntonan cu mester mehora pa e nivel di competencia di World series.
Segun Hefe di delegacion a train duro cu e muchanan y ta sinti cu e deportistanan ta cla pa e competencia. E seleccion a cuminsa train na April unda cu a gana interleague na Aruba y despues di cana na cas , mester bay competi pa Caribe y esey a tuma luga na Curaçao unda cu Aruba a bira campeon y awo ta bay pa e siguiente reto pa competi pa Little League Baseball world series.
Mester bisa cu e hobennan a traha hopi duro y nan a pone tur nan esfuerso den e deporte y ta cla pa subi avion. E weganan mundial ta largo e muchanan lo sali awe y lo bolbe bek te dia 27 di augustus cu ta practicamente 2 siman di competencia. E prome wega lo ta cu Mexico y despues di tres dia lo bay hunga contra di Venezuela. E muchanan ta cla y ta entusiasma y ta bay cu hopi bon energia pa focus pa por gana tur e weganan cu nan tin nan dilanti y asina representa Aruba dignamente.
