No ta solamente problema di uniform e miembronan di sindicato SPA tin pero tambe e situacino di Boets ta birando algo amargo. Presidente di sindicato SPA Rodney Solognier ta duna di conoce cu na momento cu bo bira polis bo mester haya uniform y boets special pa polis. Na e momentonan aki no tin boets den stok y esaki ta conduci cu na momento algo pasa y cu e polis tin mester di e boets pa e por cambia y of bisti no ta logra haya esaki pa por sigui eherce su trabou.
Tambe awo a bin un maneho na momento cu no entrega e boets bieu no lo ricibi un nobo. Sinembargo segun e reglanan den e Landsbesluit uniform cada polis mester tin dos uniform y dos boets pa aña. Na mes momento si un polis mester kibra su boets of su uniform na mes un aña cu ta haya esun nobo por compronde cu por tin regla, pero actualmente nos ta papiando di varios aña cu no ta ricibi uniform manera debe ser y boets tampoco.
E forma di maneha KPA tin preocupacion di varios polis , por tuma ehempel di e welga cu a tuma luga unda cu polisnan mester a percura pa e orden publico. No ta un secreto cu tabata haci hopi calor y mirando e oranan cu ta para tampoco no por a come. Sinembargo a bin un cantidad y cuminda cu awa pero menos cu mita di e polis nan por a bebe y come debi cu e no tabata suficiente mirando e polisnan cu tabata presente.
Presidente di sindicato Rodney Solognier ta kere ta importante pa KPA ta prepara pa tur evenemento y percura pa e coleganan.
E yamada ta bay un biaha mas na leiding di KPA pa tuma e situacion di uniform y boets na serio debi cu si pasa mas tempo ta bay yega e punto cu e polisnan ta bay bisti jeans enbes di e carson di uniform. Esaki ta e punto cu sindicato SPA no ta desea pa cu e polisnan di KPA yega na dje , pesey mes ta haci un yamada na maneho di KPA pa atende e punto di uniform y boets cu hopi seriedad.
