Fundacion MiJu diasabra ultimo tabata tin su evento pa recauda fondo pa su campaña di “Back 2 School”. E evento tabata consisti di un Back 2 School Bike Ride cu a cuminsa pa 5 pm na Alameda Café.
Tabata tin su stop na Pos Chikito Rumshop y dje y Sali bek pa direccion Oranjestad pa bin termina na Alameda Café unda a sigui un tremendo ambiente cu Zeta Band enconexion cu e di 5 aniversario di Fundacion MiJu.
E meta di e ride aki ta pa yuda pa yega e meta e aña aki pa yuda 50 alumno y tambe contribui cu algun device pa un scol secundario.
Fundacion MiJu di e manera aki kier a gradici cada un biker cu a contribui cu inscripcion y a compaña nos den nos ride pa haci esaki uno exitoso. Ademas kier gradici Alameda Café pa tabata anfitrion pa e anochi di inscripcion y tambe pa e anochi di celebracion. Pos Chikito Rumshop cu a habri su portanan pa ricibi nos pa un stop durante nos ride.
Logicamente nos no por keda sin gradici cada un di e sponsornan, kende ta MIPA Professional Coating Systems Aruba, Fundacion Jourainne Arends, Power Generator Aruba, Family T-Shirt Printing, Maggy’s Perfumes & Cosmetics, Swift Distribution Aruba, Aledda NV, Italo Arubano, Eliyght Tec, Pelican Adventures, Kim Jen Construction, MoMax Training & More, Land Seair Cargo & Transport, Fundacion Clinton Whitfield, Tec Aruba NV cu suproductonanPostobon, ArubaanseWegenbouwMaatschappij, Albo Aruba NV, WEB Aruba NV, Global Cleaning Aruba, Aruba High Maintenance, The giving Palm, prensa y radio emisoranan y tur amigo, conocir, famia cu di un of otro manera a yuda nos y sostene nos pa haci nos evento uno super exitoso.
Fundacion MiJu ta gradici Masha masha danki di curason, cada aporte sigur lo yuda Fundacion MiJu forma un fundeshi pa futuro di nos pais.
Pa mas informacion di e trabounan di Fundacion MiJu por pasa bishita nos pagina di Facebook y Instagram. Tambe por comunica cu nos via mail: fundacionmiju@gmail.com.
