Gustave Nouel (GN) ta rindi homenaje na Rembrandt riba plaza ‘Grote Kerkhof’ na Deventer

Diadomingo 25 di augustus benidero, plaza Grote Kerkhof na Deventer lo ser trasforma pa di dos biaha den un plaza di arte manera Place du Tertre na Montmartre, París y mas ciudad cosmopolita. Un mercado di arte cu pintura, dibujo, escultura, obra grafico, ceramica, arte di glas, joyería, diseño, cu artista famoso, retratista, street-art y hopi mas. Un podium nobo pa artista di tur nivel.

E retratista y dibujante internacionalmente activo Gustave Nouel (GN) di Aruba ta un invitado especial di organisacion ‘Kunst en Cultuur aan de IJssel’ (https://facebook.com/events/s/kunsthandel-op-het-grote- kerkh/3051791128310485/), y lo ofrece su performance di pintura famoso ‘Oda na Rembrandt’ riba e plaza banda di Lebuinuskerk dilanti di Stadhuis di Deventer.
Durante e prome edicion di e evento nobo aki Gustave Nouel (GN) (www.gustavenouel.nl) tambe a realisa un performance inspira pa un autorretrato di Rembrandt den tecnica universal di ‘street-art’.Esey tabata dia 21 di juli pasá.
Den su hubentud, durante y despues di su estudionan academico y post-academico, ela pinta y sketch portret hunto cu artista internacional di henter mundo, riba plaza na diferente país. Cu su performance di pintura ‘Homenaje na Rembrandt’, GN ta gusta mustra su admiracion pa e gran retratista Rembrandt. (https://kreolmagazine.com/culture/art/gustave-nouel-a-modern-art-virtuoso/)

Dia 25 di augustus, además de su performance promocional ‘Homenaje na Rembrandt’, GN lo kier sorprende publico interesa  cu ‘speed-sketch’ y karikatura, hunto cu algun amigo artista, su ex-alumnonan di Kunstcircuit (www.kunstcircuit.nl) y miembronan di asociación di artista DAK (https://www.deventeramateurkunsten.nl/). DAK a acerca GN cu su experiencia internacional pa yuda guia artistanan regional cu ta miembro di e asociacion aki. Obra di diferente di su alumno y di mas artista regional lo por ser admira desde 6 di augustus na e exposicion anual di DAK den Lebuïnuskerk.

Hende interesa na Apeldoorn por tuma contacto cu Sr. Bert Diks di galería ARTFRA (06 28932293), cu ta organizando workshops nobo di pinta portret cu e famoso pintor Arubiano. Recientemente GN a bolbe di Indonesia y region di Caribe. Na Aruba GN a duna workshops na Artisa y na Plaza Bookshop Aruba y sus pintura a ser exponi na mini museo Rancho hunto cu arte di algun artistas local reconosi. (https://www.eanews.com/motherschap-ook-in-nieuw-museum-van-rancho/). Na Bali tanto e museo ARMA na Ubud como e academia di arte ISI na Denpasar kier trece GN bek Bali na 2025 pa su workshops y performance ‘Homenaje na Rembrandt’… https://nederlands.24ora.com/2024/ 30/06 /artista-arubeño-gustave-nouel-activo-en-indonesia/)