Abogado di Embassy Suit Glendeline Croes den conferencia di prensa a aclaria cierto puntonan cu ta saliendo afo cu no ta cuadra cu berdad. E abogado a cuminsa na splica e caso unda cu Natura Development a cuminsa cu e edificio di Embassy Suit na 2016 cu e proceso pa solicita pa tereno ect ect .
Despues di e parti di procedura anterior cu ta e parti di diseño y construccion a pidi tur e permisonan y a cuminsa construi na 2018, sinembargo na momento cu a cuminsa cu e construccion Natura Development a pidi permiso pa construccion di hotel, construccion di un tunnel bou di tera pa por tin acceso na e beach y tambe e area di e beach y expansion di e beach cu ta encera e construccion di e beach y tambe pa ofrece servicio na e turista nan na momento cu nan ta riba beach.
Esaki ta e peticionnan cu a pidi. Segun Abogado Glendeline Croes na 2019 caba gobierno a otorga Natura Development e permisonan y na unda cu a manda Natura Development tres diferente carta. Natura Development ta e compania desaroyando di e hotel Embassy Suit caminda cu a bisa Natura Development cu e por construi e hotel , construi e tunnel, bay over na expansion di e beach y ora e beach ta cla por ofrece servicio di stoel y F&B tambe.
Tambe den e cartanan ta para cu e “aanlegactiviteiten” mester pasa bou di supervision di DOW y DNM y e gastonan mester keda cubri door di Natura Development. Te aki tur cos tabata cana bon , pero manera nos tur sa pandemia a yega Aruba unda cu construccion a keda para y Natura Development a haye manera tur otro proyecto na Aruba den situacion hopi dificil mirando cu ta papia di un prestamo internacional cu a keda haci pa construi e hotel .
Asina mes despues di tur e retonan Natura Development a logra haya refinanciamento y na mes momento poco poco Aruba por a recupera for di pandemia y cu e refinanciamento a haci cu e proyecto a bira hopi mas caro, pero tambe cu e trabounan a cay atras.
Na momento cu tabata por a cuminsa traha bek a cuminsa cu e proyecto bek y na 2022 e ora Natura Development tabata cla pa cuminsa cu e parti di e beach debi cu e hotelnan ta kedando cla.
Na augustus 2022 Natura Development a acerca gobierno pa e solicitud di e “aanlegvergunning “ .
Sinembargo abogado Glendeline Croes ta kere cu ta importante pa tuma nota di dos punto cu a tuma luga den e proceso aki. Na 2020 ROPV a drenta na vigor como un ley nobo y pa prome biaha den historia pa constelacion di gobierno nobo infrastructura y naturalesa a bira dos ministerio separa. Sinembargo Natura Development a papia cu autoridad e la keda informa cu e mester cuminsa cu e proceso di “aanlegvergunning” y a haci esaki tambe unda cu a pidi e permiso na 2022.
Lamentablemente e prome solicitud nan no a haya contesta y Natura Development mester a bay corte varios biaha y finalmente 16 juni 2023 Natura Development a logra haya e “aanlegvergunning”.
Segun abogado Glendeline Croes den e proceso aki no obstante cu Natura Development ta pasando den e proceso y cu ta na corte diferente biaha Natura Development a sinta cu tur e departamentonan concerni manera DOW,DNM , DIP ect ect, meter a sinta hunto pa asina yega na e contenido y splica di kico ta e contenido di e trabou pa asina por haya e “aanlegvergunning” , sinembargo den e “aanlegvergunning tin full e procedura di kico ta bay haci cu e yerbe di caña cu tin na e sitio.
Loke cu no ta husto den e proceso aki ta cu kier ilustra cu Natura Development cueste loke cueste kier a move e yerbe di caña sin tene cuenta cu e reglanan of e proceduranan normal di medio ambiente, esaki no ta cuadra cu berdad, segun abogado Glendeline Croes.
Natura Development a sinta cu e mes un compaña cu ta ehecuta e trabou aki semper pa gobierno cu ta Varadero y esaki ta e mes un compañia cu Natura Development a busca pa haci e trabou pe pa e expansion di e beach.
Nos natuurbescherming verordering ta bisa si bo ta bay haci daño na e naturalesa of si bo ta bay move y of haci daño e ora mester pidi un “ontheffing “, pero si ta bay move y pone na un otro sitio esey mester keda coordina cu DNM y pa tipo di actividad nan asina no mester di dispensacion.
Na mes momento den e discusion aki a cuminsa sinta na mesa y Varadero a cuminsa splica su procedura y asina Varadero a cuminsa cu e trabounan pa loke ta trata e expansion di e beach.
Esaki a pasa tambe bou di e supervision di DNM y DOW pero e trabounan por a keda ehecuta solamente 1 dia y mey ,na momento cu e trabounan di “ verwijzing van verplaatsing “ ta tumando luga Aruba Birdlife Conservation y su abogado y minister Ursell Arends a presenta na beach y e dia ey nan a bisa cu no e proceso aki no por sigui paso mester di un dispensacion pa e actividad cu ta haciendo.
Di e manera aki a cuminsa cu e discusion dinobo unda cu Natura Development a bay hunto cu su conseheronan bek cerca tur e departamentonan un biaha mas. Sinembargo DNM te na e momento ey e “ verwijzing van verplaatsing” tabata ehecuta bou di supervicion di DNM mane ley ta pidi , diripiente a resulta cu despues cu Minister Ursell Arends y Aruba Birdlife Conservation hunto su abogado a protesta, e pensamento y e bista di DNM a cambia diripiente unda cu ta duna di conoce cu nan ta considera e trabounan cu ta haci daño y cu e ora Natura Development tin mester di dispensacion.
Loke cu ta un realidad cu no ta bou di tur circunstancia tin mester di un dispensacion, e ley di naturalesa , di proteccion di naturalesa ta bisa ki ora tin mester di e dispensacion. Esaki te na e momentonan aki ta e discusion cu a keda crea den henter e proceso pa Natura Development por traha riba e beach. Parti 1
